لە فینلاند فیلمی 'بۆنی سێو' پێشاندەدرێت
رووداو دیجیتاڵ
لە فینلەند فیلمێکی باڵکێش بەناوی 'بۆنی سێو' پێشاندەدرێت کە باسی هەڵەبجە و ئازارەکانی کورد دەکات، زاگرۆس مەنوچار، فیلمساز و خاوەنی 'بۆنی سێو' دەرهێنەری فیلمەکەیە و لەوبارەیەوە میوانی 'دیاسپۆرا' بوو و رایگەیاند: "هەستم کرد لە فینلەندا گرنگی زۆر بە کیمیابارانکردنی هەڵەبجە نەدراوە.
گوتیشی: "بە پێویستم زانی وەک کوردێک فیلمێک لەسەر هەڵەبجە دروست بکەم و توانیم کارەکە بە سەرکەوتوویی جێبەجێ بکەم".
گوتیشی: "فیلمەکە نزیکەی 20 خولەکە و دروستکردنیشی ماوەی شەش مانگی خایاند، لە مانگی ئابای ساڵی رابردوو دەستم بەکارەکانی کرد و دوای تەواوبوونی ئێستا لە سینەماکانی فینلاند نمایش دەکرێت".
مەنوچار، گوتیشی: "فیلمەکە کاردانەوەی زۆری هەبووە و زۆربەی فینلەندییەکان لەبارەی هەڵەبجەوە کەمترین زانیارییان هەیە، بەڵام فیلمەکە توانی زۆریان تێبگەیێنێت کە کورد چ ئازارێکی چەشتووەو چۆن کیمیابارانکراوە" و ئاشکرایکرد، فیلمەکە لە فێستیڤاڵەکانی فیلم بەشداری پێدەکەن.