ئەندامێکی گرووپی بی تی ئێس بەرهەمێک بڵاودەکاتەوە

 

ئەم بەرهەمە یەکێک لە تراکەکانی نێو ئەلبوومە نوێیەکەی بەناوی 'FACE' دەبێت کە بڕیارە لە 24ـی ئازاری 2023 بڵاوبکرێتەوە.

 

ئەم بەرهەمە بەشێوەی ڤیدیۆکلیپ بڵاوکراوەتەوە و ژمارەیەک سەماکار تێیدا بەشدارن و چەند نمایشێک پێشکێش دەکەن.

 

جیمین، جگە لە کارە هاوبەشکانی لەگەڵ گرووپی کەی پۆپی بی تی ئێس، دوو بەرهەمی دیکەی بەناوی 'Lie' و 'Serendipity' وەک بەرهەمی تاکە کەسی بڵاوکردووەتەوە.

 

بی تی ئێس 'بی تی ئێس' گرووپێکی میوزیکی کۆریای باشوورە، لە حەوت ئەندام پێکهاتووە و لە 2010 لە سیئۆل دامەزراوە، ئەندامانی بریتین لە جین، سوگا، ج-هۆپ، ئاڕ ئێم، جیمین، ڤی و یۆنگکوک.

 

یەکەم ئەلبوومی گرووپەکە لە 2013 بەناوی '2Cool 4 Skool ' بڵاوکراوەتەوە، ساڵی دواتر یەکەم ئەلبوومی ستۆدیۆیان بە زمانی کۆری بەناوی 'Dark & Wild' و یەکەم ئەلبوومی ستۆدیۆیان بە زمانی ژاپۆنی بەناوی 'Wake Up' بڵاوکردەوە، دووەم ئەلبوومی ستۆدیۆیان بە زمانی ئینگلیزی بەناوی 'Wings' لە 2017 بڵاوکردەوە و لەرێگەیەوە ناوبانگی جیهانیان بەدەستهێنا.

 

'بی تی ئێس' یەکەم گرووپی میوزیکی کۆریایە، یەک ملیۆن کۆپی لە ئەلبوومێکیان بفرۆشرێت و یەکەم گرووپی کۆریایە لە 2020 لەرێگەی گۆرانی 'Dynamite' بەربەژێری خەڵاتی گرامی بێت.

 

ئەو گرووپە براوەی چەندین خەڵاتی میوزیکین، لەوانە شەش خەڵاتی میوزیکی ئەمریکی و 12 خەڵاتی میوزیکی بیلبۆرد.