هەڵەیەک روویدا! دووبارە هەوڵبدە
عەبدولحەق ئیسماعیل، لە کاتی دروستکردنی ئامێری دەف لە موسڵ
رووداو دیجیتاڵ
عەبدولحەق ئیسماعیل، دەستبەردارى یەکێک لە پیشە دێرینەکانى شارى موسڵ نەبووە؛ لە شوێنکارە بچووکەکەیدا رۆژانە دەفى جۆراوجۆر دروست دەکات، گۆڕانکارى لە ئامێرەکانى میوزیک و تەکنەلۆژیاى نوێ، نەیتوانیوە لەو شارە دەف لە ژەنین بخات.
عەبدولحەق ئیسماعیل، دەڵێت: "پێستى سرووشتى مەڕ و بزن بەکار بۆ دروستکردنى دەف دەهێندرێت، هەریەکەیان تایبەتمەندى خۆى هەیە؛ بەکارهێنانى پێستى مەڕ لە هاویندا و پێستى بزن لە زستاندا، دەنگێکی خۆش بە دەف دەدات".
دەستپێکردنەوەى چالاکى تەکیەى تەریقەتە جیاوازەکانى موسڵ دواى داعش، بازاڕی ئەو ئامێرەی گەرم کردووە. ئەو ئامێرە گەرم و گوڕی بە رێوڕەسم و سرووتە ئاینییەکانی دەدات.
ئەحمەد عەبدوڵڵا، شوێنکەتووی تەریقەتى کەسنەزانىیە لە موسڵ و دەڵێت: "پێگەى دەف لە نێو تەسەوف بە گشتى یان لە کاتى خوێندنەوەى سروودەکان بۆ جووڵە و رێکخستنییەتى، لە دانیشتنەکانى زیکر یان ستایشخوانى پێغەمبەر، دەف بە بەشێک لە رۆحى خۆم دەزانم".
نرخى دەفى دروستکراوى نێوخۆیی لە موسڵ، دەگاتە 30 هەزار دینار، شوێنکەوتووانى تەریقەتى تەسەوف کڕیار و بەکارهێنەرى سەرەکى دەفن لە موسڵ.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ