رووداو - ئاژانسەکان
ئەفسانەی گیتار و ستایلی مۆسیقای بلوز، رۆک و پۆپ رایلی ب. کینگ، کە بە B.B. King ناسرابوو، لە تەمەنی 89 ساڵیدا کۆچیدواییکرد.
B.B. King لە لاسڤێگاس ژیاوە و تاوەکو ئێستا 15 خەڵاتی گرامی بەدەستهێناوە، مردنەکەی لە خەودا و لەماڵەکەی خۆیدا بووە. دوایینجار لە ساڵی 2014 توانیویەتی بێتەوە سەر شانۆی گۆرانیگوتن، ناسراوترین گۆرانییەکانیشی لەلای هەوادارانی دەنگ و مۆسیقاکەی: 'Sweet Black Angel', 'Rock Me Baby', 'The Thrill is Gone'نن.
کینگ لە ساڵی 1925 لە میسیسیپی لەدایکبووە و بۆ یەکەمجار لە ساڵی 1940 ژیانی هونەری دەستپێکردوە. بەپێی ئەو لیستانەی کە گۆڤاری Rolling Stone ئامادەی کردوە، سێیەم باشترین گیتارژەنی هەموو سەردەمەکان بووە، بەر لەوەی پشکنینی پزیشکی بۆ بکرێت، ساڵانە نزیکەی 100 کۆنسێرتی پێشکەش دەکرد.
کینگ ماوەی دوو هەفتەیە لە ماڵەکەی خۆیدا لەژێر چاودێریدایەوە و دوێنێ 14 ی ئایاری 2015 لە کاژێر 9:40 ی شەو بەهۆی نەخۆشی فشاری خوێن و شەکرە کۆچیدوایی کرد.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ