رووداو – هەولێر
فیلمی سینەمایی "پەرەسێلكە" لە دەرهێنانی مانۆ خەلیل، لە دوو فێستیڤاڵی سینەمایی لە ئەڵمانیا و چیك نمایش دەكرێت.
مانۆ خەلیل بە (رووداو)ی راگەیاند، دوایین فیلمی بەناوی پەرسێلكە، لە بەشی پێشبڕكێی فێستیڤاڵی نێودەوڵەتیی فیلمی هاف بەشدارە و كێبڕكێ دەكات بۆ بەدەستهێنانی خەڵاتی فێستیڤاڵ.
پەنجاهەمین خولی فێستیڤاڵی نێودەوڵەتیی فیلمی هاف لە 25-30/10/2016 بەڕێوەدەچێت و وەك مانۆ خەلیل دەڵێت "بە یەكێك لە گرنگترین فێستیڤاڵەكانی لە ئەڵمانیا و جیهان دادەنرێ".
فیلمەكە لە 20 و 21/10/2016 لە فێستیڤاڵێكی دیكەی سینەمایی لە پراگی پایتەختی چیك نمایش دەكرێت و بۆ ئەم مەبەستە، مانۆ خەلیل لە 19 ئەم مانگە لە سویسراوە بەرەو چیك گەشت دەكات.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ