'رەیحانە' لە یەکەمین دیمانەی شانۆی کوردیی دیاسپۆرا نمایش دەکرێت

 

شانۆیی 'رەیحانە' لە نووسین و دەرهێنانی گەزیزە عومەرە و باس لە مەترسی و لێکەوتەکانی دیاردەی کۆچ دەکات و هەریەک لە هونەرمەندان فرمێسک مستەفا، بریار حمەڕەشید و بێگەرد ئەحمەد رۆڵی تێدا دەگێڕن. 

 

شەهێن سابیر، بەرپرسی راگەیاندنی شانۆیی 'رەیحانە' بە تۆڕی میدیایی رووداوی راگەیاند، روونیشکردەوە، شانۆییەکە باس لەو ماڵباتانە دەکات کە دەبنە قوربانی کۆچ و نیشاندانی دیوە نەبینراوەکانی ئەو جیهانە رەنگاورەنگەی لەلای تاکی کۆمەڵگە نەخشێندراوە. 

 

روونیشیکردەوە، بەشداریکردنی ئەم دیمانەیە پاش ئەوە دێت کە تیپی شانۆی هاورێیانی گەزیزە لقی ئەڵمانیای کردەوە و بەتوانایاکی نوێوە بەرهەمە شانۆیی و چالاکییەکانی لەو وڵاتە گەشە پێدەدات و بە ئامانجی خستنەڕووی پرس و بابەتە گرنگەکانی گەلی کورد لەرێگەی هونەری شانۆوە. 

 

شەهێن سابیر، گوتیشی، کردنەوەی لقی تیپەکەیان لە ئەڵمانیا، هاوکات بۆ دروستکردنی پەیوەندی هونەرییە لەگەڵ کەسانی پسپۆر و شارەزا بەمەبەستی ئەنجامدانی سیمینار و وۆرکشۆپ چالاکی جۆراوجۆری هونەری. 

 

هونەرمەند کاروان عەلی مجۆل، بەرێوەبەری بەرهەمی شانۆییەکە و ئامادەکاری ڤیدیۆ نیگار حەسیب قەرەداخییە و بڕیارە لە 17ـی حوزەیرانی 2023 لە شاری تویچنتالی ئەڵمانیا نمایشبکرێت.