رەحیم نەورۆزی: خۆشحاڵ دەبم بەشداری لە فیلمی کوردیدا بکەم

 

 

نەورۆزی رۆڵی لە چەندین فیلم دا بینیوە کە یادی تەماشەڤانانی هەرێمی کوردستان دا ماونەتەوە؛ لەوانە فەڕوخ لە زنجیرەی (پس از باران) و رۆڵی ئەخناتون لە زنجیرەی (یوسفی پەیامبەر). 

 

لەبارەی ئەوەی کە ئامادەیە رۆڵ لە فیلمی کوردی دا بگێڕێت، رەحیم نەورۆزی دەڵێت: بە خۆشحاڵییەوە پێشوازی لێدەکەم.. زۆر حەزم لێیە؛ ئەو پەیوەندییە کولتوورییانە دەبێ دروست ببن و دەبێ کاری هاوبەش بکەین، دەبێ ئامانجی هاوبەشمان هەبێ و زمانی هاوبەشمان هەبێ."

 

نەورۆزی خۆشحاڵیی خۆی بۆ بەشداریکردن لە فێستیڤاڵی شانۆی سەر شەقام لە کەرکووک دەربڕی: "زۆر خۆشحاڵم کە وەکو باڵیۆزی ئاشتی و دۆستایەتی بانگهێشتکراوم بۆ ئێرە، دەبینم کە جگە لە هونەرمەندانی کورد هونەرمەندانی نەتەوەکانی دیکە لە دەرەوەی سنوورەکان کۆبوونەتەوە و ئەم رووداوە گرنگە دروست دەکەن."

 

هاوکات، باسی زنجیرە درامای یوسفی پەیامبەر دەکات کە پێش 18 ساڵ بەرهەمهێنراوە و دەڵێت: "لە زیاتر لە 40 وڵاتی موسڵمان بینراوە و لە ئەفریقا تا ئاسیای نێوەراست و جیهانی ئیسلامی هەموو لەگەڵ ئەو زنجیرەیە پەیوەندییان گرتووە. من کاتێک دێم لە وڵاتی عێراق دەمناسن و وێنەم لەگەڵ دەگرن، پەیوەندییەکی پڕ خۆشەویستییان لەگەڵم هەیە."

 

لەبارەی دوایین بەرهەمیشی، نەورۆزی دەڵێت: "زنجیرەیەکم هەیە بە ناوی (بە تەنیا بگری) لە پلاتفۆرمی رۆبیکا لە ماوەی یەک یان دوو هەفتەی داهاتوودا بڵاودەکرێتەوە، لەوێش رۆڵێکی باشم هەیە کە زۆرم خۆش دەوێ." 

 

 

 

رەحیم نەورۆزی: منیش سڵاوم هەیە بۆ ئێوە و هەموو بینەرانی ئەو بەرنامەیە و سوپاس لە بانگهێشتکردنتان، من دوو رۆژە  هاتووم بۆ ئێرە، زۆر کاتم نەبووە کە بچمە وردەکارییەوە و زیاتر خۆشحاڵم لەو رووداوە شکۆمەندەی کە روویداوە  هەروا رووبەڕوو دەبمەوە لەگەڵ بەرەوپێشچوونی فێستیڤاڵەکە کە بزانم چی روودەدات و چ نمایشێک پێشکێش دەکرێت.

 

شتێک کە لە سەرەتا بینیمان رووداوێکی شکۆمەند و گەورەبوو کە دوێنێ روویدا، کەرنەڤاڵ و رێپێوانی گەورە بوو، بووکەڵەی زۆر گەورە، سوارچاکەکان، پەیوەندیی نێوان نەتەوەکان، ئاڵای نەتەوەکان کە لە دەستی سوارچاکەکان و کچانی کورد دا بوو، لە وڵاتی سووریا، هوڵەندا، ژاپۆن و فەرەنسا و شوێنە جیاوازەکان هاتوونەتە ئێرە و بۆ من رووداوێکی پیرۆز و خۆشە، زۆر خۆشحاڵم کە وەکو باڵیۆزی ئاشتی و دۆستایەتی بانگهێشتکراوم بۆ ئێرە، دەبینم کە جگە لە هونەرمەندانی کورد هونەرمەندانی نەتەوەکانی دیکە لە دەرەوەی سنوورەکان کۆبوونەتەوە و ئەم رووداوە گرنگە دروست دەکەن.

 

 

رەحیم نەورۆزی: من نمایشی شانۆیی زۆرم نەبینیوە چونکە زیاتر سەرقاڵی رێورەسمی دەستپێکی فێستیڤاڵەکە بووین، من لێرە نمایشی شانۆییم لە سەر سەکۆ نەدیوە، بەڵام لە کوردستانی ئێران بینیومە، بەهەرحاڵ شانۆ شانۆیە؛ ئیدی زۆر تایبەت بە نەتەوە و سنوور یا جێگایەکی دیکە نییە، خودی ئەو فێستیڤاڵە کاتێک دەبێتە نێودەوڵەتی ئەوە نیشان دەدات و هەڵگری ئەو پەیامەیە کە هونەر سنوور ناناسێت و بۆ کورد و تورک سنووردار نابێ، شانۆ شانۆیە و زمانێكی کۆنە و لە سێ هەزار ساڵ لەمەوپێش تەنانەت لە پێش ئەویش لە نێوان مرۆڤەکان هەبووە؛ بۆ پەیوەندی گرتن لەگەڵ یەکدی و بۆ دەربڕینی کێشەکان و وەڵامدانەوەی دڵەڕاوکێی پرسیارەکانی مرۆڤ لەسەر سەکۆ هەبووە و ئێستاش هەر هەیە. ئەوەی لەو یەک دوو رۆژە روویداوە من رووداوی شانۆییم نەدیوە و ئەوەش زیاد بکەم شانۆی سەر شەقام پێکهاتەکەی جیاوازە بە رای من.

 

 

رەحیم نەورۆزی: نا زۆر بە شێوەی راستەوخۆ بەدواداچوونم نەکردووە. زۆر نایانناسم بەرهەمهێنەرەکان زۆر ناناسم.

 

 

رەحیم نەورۆزی: بەهەرحاڵ؛ ئێمە لە ناوچەیەکین کە هەمیشە سەرقاڵی مشتومڕ و رووداوی گەورەی سیاسی و ستراتیژی بووە و هەمیشە رۆژهەڵات و رۆژئاوا چاویان لەسەر رۆژهەڵاتی نێوەراست بووە، ئەو شەڕخوازییانەی کە لێرە روویانداوە زۆر پەیوەندی بە خەڵکی کورد و نەتەوەی ئێرانەوە نییە، ئەوە بڕیاری دەسەڵاتدارە گەورەکانە بە سەریان دا سەپاندووین؛ ئێمە یەک نەتەوەین، جیاوازی نییە لەنێوان کورد و تورکمان و عەرەب و فارس، بێگۆمان بە رای من هیچ شتێکی نەژادپەرستانە لە پەیوەندیی نێوان خەڵک و هونەرمەندان نییە، بە راستی هونەر زۆر لەوانە زیاتر تێدەپەڕێ.. نە کاری بە نەتەوەیە، نە بە رەگەز و نە بە سنوور.

 

پێم گوتن کە ئەگەر فێستیڤاڵ بە شێوەی نێودەوڵەتی بەڕێوەدەچێت، ئەوە هەنگاوێکە بۆ دامەزراندنی ئەو پەیوەندییە کولتوورییانە و، گەشبینانە سەیری دەکەم، ئەگەر پەراوێزی نەبێ و نەکەوینە ژێر کاریگەریی دەمارگیری بە چاوی پەیوەندی کولتووری و هونەری سەیری بکەین هەنگاوی باش دەنێین بەرە و پەیوەندیی نێوان نەتەوەکان، پەیوەندیی کولتووری و گفتوگۆی شارستانییەتەکان. ئێرەش یەکێک لە شوێنەکانی لەدایکبوونی شارستانییەتی مرۆڤە، ئێمە کاتێک باسی قەراخ دەکەین باسی کوردستان و باسی ئێران دەکەین، خەریکین باسی شارستانییەتی میزۆپۆتامیا و شارستانییەتی کۆنی پارس و شارستانییەتی ئیلام و باسی شارستانییەتی ئاکێد و فینیقی و بابل دەکەین. باسی شارستانییەتێک دەکەین کە تێیدا خەتی نووسین و زمان داهێنراوە، جێگایەک کە لە هەزاران ساڵ لەمەوپێش لە داستانی گلگامێش بابەتی مانەوەی هەمیشەیی و نەمریی مرۆڤ و هۆکارەکانی بوونی مرۆڤ وروژێنراوە، ئێرە ئەو جێگەیە کە خەتی نووسینی تێدا داهێنراوە بۆ گفتوگۆی مرۆڤ و گفتوگۆی نەوەکانی داهاتوو. هیوادارم ئێمە بتوانین بەو هەنگاوانە کەشێکی فەرهەنگی و کەشێکی ئاشتیخوازانە و کەشێکی پڕ لە ئاشتی و ئارامی بۆ منداڵەکانمان و نەوەکانی داهاتوو دروست بکەین.

 

 

رەحیم نەورۆزی: بە خۆشحاڵییەوە پێشوازی لێدەکەم، هەڵبەت من ئەکتەرێک نەبووم کە بمەوێ لە پەراوێزی کارەکەم سوود وەرگرم، دەتوانم بڵێم ئەوە یەکەم سەردانی منە یان باشترە بڵێین گەشتی دەرەوەی وڵاتی منە بە هۆکاری ئەو زنجیرەی کە لە من بینراوە و خۆشەویستییەک لێرە بۆ من هەیە و لوتفێک کە خەڵکی ئەو ناوچەیە بۆ منیان هەیە، زنجیرە درامای یوسفی پەیامبەر لە زیاتر لە 40 وڵاتی موسڵمان بینراوە و لە ئەفریقا تا ئاسیای نێوەراست و جیهانی ئیسلامی هەموو لەگەڵ ئەو زنجیرەیە پەیوەندییان گرتووە، ئەوە فەزڵی خوای گەورەیە کە بە نسیبی من بووە، ئێمە لێرە دەناسنەوە، من کاتێک دێم لە وڵاتی عێراق دەمناسن و وێنەم لەگەڵ دەگرن، پەیوەندییەکی پڕ خۆشەویستییان لەگەڵم هەیە.

 

 

نەورۆزی: قوربانی ئێوەم. زیاتر لە 18 ساڵ بەسەر ئەو زنجیرە درامایە تێپەڕیوە؛ لە بەرهەمهێنانی زنجیرە درامای حەزرەتی یوسف، لە راستیدا من کەمێک گۆشەگیرم، زۆر لەگەڵ خۆدەرخستن و نمایش و ئینستاگرام و تۆڕە کۆمەڵایەتییەکان نیم، بەڵام ئەگەر پێشنیازێکم بۆ بکرێ بۆ نا، بە خۆشحاڵییەوە قبووڵی دەکەم، زۆر حەزم لێیە؛ هەر وەک لە سەرەتاوە باسمکرد، ئەو پەیوەندییە کولتوورییانە دەبێ دروست ببن و دەبێ کاری هاوبەش بکەین، دەبێ ئامانجی هاوبەشمان هەبێ و زمانی هاوبەشمان هەبێ، زۆر زۆر پێشوازی لێ دەکەم بە دڵنیاییەوە.

 

 

نەورۆزی: من وەکو ئەکتەر زیاتر رۆڵی جێبەجێکردنم هەیە، ئێمەی هونەرمەندان لە بابەتەکانی وەکو بیرۆکە، مژار و دیاریکردنی سیاسەتی کارکردن بەشدار نین، ئێمە بە گشتی جێبەجێکارین. وەکو ئەکتەرێک من هەموو کات لەو بڕوایەدام کە ئەو شتەی دەبێتە هۆی ئاشتیی نێوان گەلان، دەبێتە هۆی فراوانکردنی دۆستایەتی نێوان گەلان، دوور بێت لە نەتەوەگەرایی و شوڤینیەت و هزری ناسیونالیستی. هەرچەندە کە ئێمە بتوانین هزری پان تورکیسم، پان ئیرانیسم، پان کوردیسم ئارامتر بکەین باشتر دەبێت، وەکو مرۆڤ و هاوڕێ و برا نەک وەک ئەم گەل و ئەو گەل، پێداگری بکەین لەسەر کەمکردنەوەی جیاوازەییە نەتەوەییەکان، زیاتر بیر لەوە بکەینەوە کە ئێمە هەموومان برای یەکدین. زۆر بابەت هەن کە بتوانین باسی بکەین کە مرۆڤەکان بتوانن لە باردۆخێکی باشتر لەگەڵ یەکدی بژین.

 

 

نەورۆزی: بە رێگەی زانست هەڵسوکەوت لەگەڵ ئەم مژارە بکەن، بە زانستی سەردەم، سەرەڕای ئەوەی کە دەبێ زانستی ئەکادیمییان هەبێ. پێویستە دەستکەوتی نەوەکانی پێش خۆیان و مێژوو بخوێننەوە. لە هەمان کاتدا بەپێی رۆژ هەنگاو بنێن. پەیوەندی دروست بکەن، لەگەڵ جیهانی شانۆ و هونەر پەیوەندییەکی فراوان دروست بکەن. تەنیا تایبەت نەبن بە ناوچەیەک و بە شاری خۆیان، بە پارێزگای خۆیان، جیهانییانە بیر بکەنەوە، گەورەتر و فراوانتر. فراوانتر لە کات و مێژوو بیر بکەنەوە، فراوانتر لەو کاتەی کە تێیدا دەژین. هونەرمەند پێویستە زور سادەتر بێت، هونەرمەند تایبەت نییە بە جوگرافیا و کات، ئەگەر وا بێت مێژووی بەکارهێنانی دەبێت و لە کاتێکی کەم لە شوێنێکی جوگرافی دیاریکراودا دەژی، کورت دەبێتەوە و بۆ هەمیشە نامێنێت. پێویستە جیهانییانە بیر بکەنەوە، پێویستە بەرهەمی ئێمە بتوانێت هەر لێرە تاکو ئەمریکای لاتین کاریگەری دروست بکەت. بتوانێت تاوەکو رۆژهەڵاتی دوور کاریگەری دابنێت.

 

 

نەورۆزی: من نازانم، تاوەکو چەندە وەرگرانی ئێوە بەدواداچوون بۆ کارەکانی ئێمە دەکەن.

 

 

نەورۆزی: ئایا ئەو کارانەی کە ئێمە لە ئێران دەیانکەین، لێرە بڵاو دەکرێنەوە، دەبینرێن یان نا؟

 

 

نەورۆزی: لە راستیدا من نەمدەزانی کە خەڵکی ئێرە؛ ئەمدیو سنوورەکان، ئەوەندە خۆشەویستییان بۆ ئێمە هەیە. دوایین کارم کە بڵاوکرایەوە زنجیرەی (تووبا) بوو کە لە کەناڵی یەکی تەلەفزیۆنی ئێران بڵاوکرایەوە ئەگەر بینیبێتتان، من لەوێ رۆڵی (جەهانگیری سابیتی)-م دەبینی.

 

 

نەورۆزی: کە بەم دواییە کۆتاییهات.

 

 

نەورۆزی: زنجیرەیەکم هەیە بە ناوی (بە تەنیا بگری) لە پلاتفۆرمی رۆبیکا لە ماوەی یەک یان دوو هەفتەی داهاتوودا بڵاودەکرێتەوە، لەوێش رۆڵێکی باشم هەیە کە زۆرم خۆش دەوێ. بە زووترین کات بڵاودەکرێتەوە و ئێستا خەریکی هەڵسەنگاندنی سیناریۆی چەند فیلمێکم، زنجیرەیەک هەیە کە خەریکی گفتوگۆکردنین، هاوکات من لە شانۆدا چالاکم، ساڵانە لە یەک یان دوو شانۆدا رۆڵ دەگێڕم. ئەم ساڵ شانۆی (سەراب)-مان لە هۆڵی وەحدەت پێشکێش کرد، پار لە شانۆی ( کۆلۆنێل) رۆڵم گێرا و شانۆیەکیش لەگەڵ هاوڕێی بەڕێزم نادر بورهانی لە مانگەکانی داهاتوودا نمایش دەکەین. ئەگەر دەرفەت هەبێت ئێوەش وەرن بۆ ئەوەی وەرگرانی ئێوەش بتوانن کارەکانمان ببینن و ئێمە دڵخۆش دەبین.

 

 

نەورۆزی: هەروەها منیش.

 

 

نەورۆزی: هیوادارم ئەم پەیوەندییەی ئێمە هەر بەم شێوەیە بەردەوام بێت.

 

 

نەورۆزی: زۆر سوپاس، هیوادارم ئەم پەیوەندییەی ئێمە بەردوام بێت و ئێمە لەگەڵ یەکدی لە گفتوگۆدابین، بە یەکەوە کار بکەین، ئێوە بێن ئێمە لە خزمەت ئێوەدابین.

 

 

نەورۆزی: ئینشائەڵڵا ئێمەش بتوانین ئەرکی میوانداریکردن بە جێ بێنین.