ئەگریجە' بەرهەمێکە بە دروشمی 'ژن، ژیان، ئازادی'

 

پێشەوا رەمەزان، بە رووداوی راگەیاند، کاری میوزیک، میکس و ماسترینگ و دەرهێنانی بەرهەمەکە لەلایەن خۆیەوە کراوە، هەریەک لە ئەسرین سەفەری، ژولیا حوسێن و ژیوەر حوسێن وەک گۆرانیبێژ تێیدا بەشداربوونە و بە دروشمی "ژن، ژیان، ئازادی"یە.

 

گوتیشی، بەرهەمەکە لە تێکستی سەحەر موعێزییە و لە سیناریۆی تریفە ئیبراهیمە، کاری وێنەگرتنی لەلایەن هێڤار سابیر و محەممەد نازم کراوە، رێکخراوی مەرزییە بۆ گەشەپێدانی توانا هونەرییەکانی ژنان بەرهەمی هێناوە.

 

لە ڤیدیۆکلیپەکەدا 10 کەس کاری نواندنیان کردووە و 32 کەسیش وەک سەماکار تێیدا بەشداربوونە.