ئال پاچینۆ: لە سەردەمی بڵاوبوونەوەی کۆرۆنا لە مردن نزیکبوومەوە

 

ئەو لێدوانەی ئال پاچینۆ، لە کاتی راگەیاندنی کتێبێکی لەبارەی ژیاننامەی بەناوی " Sonny Boy: A Memoir" بوو.

 

ئەو ئەکتەرە رایگەیاند، هەستی نەدەکرد لە دۆخێکی باشدا بێت، بۆیە داوای پەرستارێکی کرد بۆ ماڵەوە.

 

ئاماژەی بۆ ئەوەشکرد، بەهۆی تای زۆرەوە لێدانی دڵی وەستا، دوای چەند خولەکێک ئۆتۆمبێلی ئامبوڵانس لە بەردەم ماڵەکەیدا بوو. لە ژووری چاودێری چڕ دوو پزیشک و شەش کەسی دیکە لەگەڵیدا بوون. گوتیشی، کاتێک چاوی کردەوە، تیمە پزیشکییەکە گوتیان: "گەڕایەوە".

 

ئال پاچینۆ لە 25ـی نیسانی 1940 لە ئەمریکا لە دایکبووە، بە یەکێک لە کاریگەرترین ئەکتەرەکانی سەدەی بیستەم دەناسرێت، براوەی چەندین خەڵاتە، لەوانە؛ ئۆسکار، دوو خەڵاتی تۆنی و دوو خەڵاتی پرایم تایم ئێمی.