دڵنیا رەزازی گۆرانی بۆ ئازادی دەڵێت

 

بەرهەمەکە بەناوی 'بۆ ئازادی'یە و بە دروشمی 'ژن، ژیان، ئازادی' بڵاودەکرێتەوە و ژێرنووسی ئینگلیزی و فارسی بۆ کراوە.

 

بڕیارە ڤیدیۆکلیپی ئەم بەرهەمە لە چەند رۆژی داهاتوودا لە یوتیوب و پلاتفۆڕمە دیجیتاڵییەکانی دیکەدا، بۆ هەوادارانی ئەو گۆرانیبێژە بڵاوبکرێتەوە. 

 

دڵنیا لە 1979 لە مەریوانی رۆژهەڵاتی کوردستان لە دایکبووە، کچی هەردوو هونەرمەند ناسری رەزازی و مەرزییە فەریقییە، سەرەتای دەرکەوتنی لە بواری هونەریدا، دوای کۆچی دوایی دایکی بوو و بە ئەلبوومە تەواو نەکراوەکەی دایکی دەستیپێکردووە و پێشوازییەکی بەرچاوی لێکرا.