رووداو دیجیتاڵ
"Nosferatu" فیلمێکی نوێی ترسناکە و ئێستا لە سینەماکانی جیهاندا پێشاندەدرێت، داهاتی 100 ملیۆن دۆلاری تێپەڕکردووە.
پێشاندانی فیلمەکە لە سینەماکانی جیهاندا لە 25ـی کانوونی یەکەمی 2024 دەستیپێکرد، داهاتی 101 ملیۆن و 613 هەزار دۆلارە و بەرهەمی کۆمپانیای "Focus Features"ـە.
لەو داهاتە 70 ملیۆن و 600 هەزار دۆلاری لە سینەماکانی ئەمریکای باکوور و 31 ملیۆن و 13 هەزار دۆلاری لە سینەماکانی دیکەی جیهاندا بەدەستهێناوە.
فیلمەکە لە دەرهێنانی رۆبێرت ئیگەرز، دەرهێنەری ئەمریکییە و بێڵ سکارسگار، ئەکتەری سوێدی رۆڵی سەرەکی تێدا دەگێرێت کە رۆڵی کارەکتەرێکی زۆمبییە.
"Nosferatu" کۆپییەکی نوێی چیرۆکی فیلمێکی بێدەنگی ئەڵمانییە بە هەمان ناو کە لە 1922 بڵاوکراوەتەوە. لە 1979 فیلمێکی دیکە لەبارەی ئەو چیرۆکە بەناوی "Nosferatu The Vampyre" بەرهەمهاتووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ