سێوە کامیل گۆرانییەک لە تێکستی رەنج سەنگاوی بڵاودەکاتەوە
رووداو دیجیتاڵ
سێوە کامیل ئەو کچە دەنگخۆشەی لە رێگەی تۆڕە کۆمەڵایەتییەکانەوە ناوبانگی پەیداکرد، دووەم بەرهەمی بەناوی "تۆ" بەشێوەی ڤیدیۆکلیپ بڵاوکردەوە.
سێوە کامیل، بە رووداوی راگەیاند: "تۆ، دووەمین بەرهەمی منە، ئاریۆس ئاوازی بۆ داناوە و دابەشکردنی میوزیکی بۆ کردووە، هۆنراوەکەی لەلایەن شاعیری بە توانا رەنج سەنگاوی نووسراوە، ڤیدیۆکلیپەکەشی لەلایەن دیار مەهدی کراوە".
ڤیدیۆکلیپی "تۆ" لە کەناڵی تایبەتی سێوە کامیل لە یوتیوب و هەژمارە تایبەتەکانی لە تۆڕە کۆمەڵایەتییەکاندا بڵاوکراوەتەوە.
سێوەی کامیل، لە رێگەی کەڤەرکردن و گوتنەوەی گۆرانی هونەرمەندانی دیکە لە تۆڕە کۆمەڵایەتییەکاندا، ناوبانگی پەیداکرد، ڤیدیۆی بەشێک لەو گۆرانییانە لە ئینستگرامەکەی، سەرووی یەک ملیۆن بینەریان هەیە.