رووداو دیجیتاڵ
دادوەری ویلایەتی نیڤادا دوێنی دووشەممە، دادگاییکردنی نەیتن چەیزینگ هۆرس، ئەکتەری ئەمریکی دواخست کە تۆمەتی دەستدرێژی سێکسی خراوەتە پاڵی.
ئەو ئەکتەرە لە فیلمی بەناوبانگی 'Dances With Wolves' رۆڵی گێڕاوە و تۆمەتی ئەوەی خراوەتە پاڵ کە لە ماوەی دە ساڵی رابردوودا؛ دەستدرێژی سێکسی کردووەتەوە سەر ژنان و کچانی ئەمریکی رەسەن لە لاس ڤێگەسی ئەمریکا.
کارلی کیرنی، دادوەری ناوچەی کلارک کاونتی، رایگەیاند، دادگاییکردنی دۆسیەی نەیتن چەیزینگ هۆرس لە 1ـی ئایاری 2023 لە لاس ڤێگەس دەستپێدەکات بۆ ئەوەی کاتێکی زیاتر بدرێت بە داواکارانی گشتی و بەرگریکارانی گشتی و پێشتر بڕیاربوو دادگاییکردنی لە 17 نیساندا ئەنجام بدرێت.
دەستەی سوێندخواردنی ناوچەی کلارک لە کۆتایی مانگی شوباتی ئەمساڵدا، چەیسینگ هۆرس تەمەن 46 ساڵ بە 19 تۆمەت؛ تۆمەتبارکرد کە بریتین لە تۆمەتی دەستدرێژی سێکسی بۆ سەر منداڵێکی خوار تەمەن 16 ساڵ، رفاندن، لەشفرۆشی و دەستدرێژیکردنە سەر منداڵان.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ