خەڵاتی گێرشوێنی کتێبخانەی کۆنگرێس بەخشرایە جۆنی مێچڵ

 

لە رێوڕەسمەکەدا ژمارەیەک گۆرانیبێژ ئامادەبوون و لە کۆنسێرتێکدا گۆرانییان پێشکێشکرد، لەوانە جەیمس تایلۆر و مارکۆس مامفۆرد و ئەو گۆرانیانە پێشکێشکران کە لەلایەن مێچڵ ئامادەکرابوون.

 

جۆنی مێچڵ، لە 7ـی تشرینی دووەمی 1943 لە کەنەدا لەدایکبووە، گۆرانیبێژ، ئاوازدانەر و شێوەکارە، دەستپێکی کاری هونەریی، گۆرانیگوتن بوو لە یانەکانی شەوان، لە 1965 رووی لە ئەمریکا کرد و لە رێگەی گۆرانیی 'Urge for'، 'Going' و 'Chelsea Morning' ناوبانگی پەدایکرد.

 

ئەو گۆرانیبێژە یەکەم ئەلبوومی گۆرانیی لە 1968 بڵاوکردەوە و لە باشووری کالیفۆرنیا جێگیربوو، 'Big Yellow Taxi' و 'Woodstock' لە گۆرانییە بەناوبانگەکانییەتی.

 

لە 1971 ئەلبوومێکی گۆرانیی بەناوی 'Blue' بڵاوکردەوە و وەک بەهێزترین ئەلبوومی ئەو هونەرمەندە دەناسرێت، لە 2007 ئەلبوومێکی گۆرانیی بڵاوکردەوە و رایگەیاند کە دوایین ئەلبوومیەتی.