رووداو دیجیتاڵ
لە هەفتە نمایشی جلوبەرگی پاریس، نوێترین دیزاینەکانی شیاتزی چێن خرانەڕوو کە براندێکی جلوبەرگی تایوانییە و بە "شانێلی تایوانی" لە ئاسیا دەناسرێت.
نمایشەکە رۆژی دووشەممە 30ـی ئەیلوولی 2024 لە پاریس بەڕێوەچوو و کۆمەڵە دیزاینەکە لەلایەن وانگ چێن تسای – شلا، ناسراو بە "مەدام وانگ" ئامادەکرابوون.
دیزاینەر، لە دیزاینەکانیدا، نەخشاندنی کلاسیک و دوورینی رۆژئاوایی بەرکارهێنابوو، بۆ خستنەڕووی تێڕوانینێکی ئاسیایی تایبەت و هاوچەرخ.
خانەی شیاتزی چێن، لە 1978 دامەزراوە، لە دیزاینەکانیدا، هاوئاهەنگی لە نێوان رەنگی رەش و سپی و چەند رەنگێکی دیکەدا کرابوو، لەوانە رەنگی لیمۆیی و لە بەشێک لە دیزاینەکاندا پەڕی باڵندەکان بەکارهێندرابوو.
هەفتە نمایشی جلوبەرگی پاریس بۆ جلوبەرگی ژنان تایبەت بە بەهار و هاوینی 2025 لە 23ـی ئەیلوول دەستیپێکرد و ئەمڕۆ سێشەممە 1ـی تشرینی یەکەمی 2024 لە پاریس کۆتایی دێت.
هەفتە نمایشەکان ساڵانە بەپێی وەرزەکان سازدەکرێن، جگە لە جلوبەرگی ژنان، نمایشی تایبەت بە جلوبەرگی پیاوان و هەفتە نمایشی جلوبەرگی ئاسایی و گرانبەهاش لەخۆدەگرێت.
میلان، پاریس، لەندەن و نیویۆرک، لە هەفتە نمایشە بەناوبانگەکانی جیهانن و رکابەریان نییە.
لە 1ـی تاوەکو 7 ئەیلوولی 2024 هەفتە نمایشی جلوبەرگی دوبەی تایبەت بە وەرزی بەهار و هاوینی 2025، لە دوبەی لە ئیمارات بەڕێوەچوو. هەفتە نمایشەکە هەنگاو دەنێت بۆ ئەوەی بێتە ئاستی هەفتە نمایشە گرنگەکان لە جیهاندا.
.jpg "نوێترین دیزاینی شیاتزی چێن لە پاریس خرانەڕوو. وێنە: AFP")
.jpg "نوێترین دیزاینی شیاتزی چێن لە پاریس خرانەڕوو. وێنە: AFP")
.jpg "نوێترین دیزاینی شیاتزی چێن لە پاریس خرانەڕوو. وێنە: AFP")
.jpg "نوێترین دیزاینی شیاتزی چێن لە پاریس خرانەڕوو. وێنە: AFP")
.jpg "نوێترین دیزاینی شیاتزی چێن لە پاریس خرانەڕوو. وێنە: AFP")
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ