تەها قادر نوێترین بەرهەمی لە جەژنی قوربان بڵاودەکاتەوە

 

تەها قادر، لەبارەی بەرهەمە نوێیەکەی بە رووداوی راگەیاند، بەرهەمەکە لە تێکست و ئاوازی مێڤانە و بیرۆکەی خۆیەتی و لە دەرهێنانی ئالان حوسێنە و لە جەژنی قوربان بڵاوی دەکاتەوە. 

 

ئاماژەی بۆ ئەوەشکرد، ئەمە دەبێتە 19مین ڤیدیۆکلیپی و دووەم ڤیدیۆکلیپیەتی لە رواندز وێنەی دەگرێت، ئەمەش بەهۆی ئەو سرووشتە جوانەی کە هەیەتی. گوتیشی: "سیناریۆی بەرهەمەکە لەگەڵ سرووشتەکە دەگونجا".

 

هەروەها گوتی، گۆرانییەکە باس لە ئاکرێ، ئامێدی، زاخۆ و دهۆک و هۆزەکانی دەکات.

 

روونیشیکردەوە، ئەم بەرهەمە بەشێکە لە زنجیرە گۆرانییەک، بەشی یەکەمی لە بادینان بوو، دواتر دەچینە هەولێر و دوورووبەری، پاشان سلێمانی و دەرووبەری، دواجاریش لە کەرکووک دەبێت. 

 

تەها قادر، خەڵکی سۆرانی باشووری کوردستانە، چەندین گۆرانی و 19 ڤیدیۆکلیپی هەیە و بە ملیۆنان بینەریان هەیە، لەوانەش گۆرانی "هاوڕێ" کە بەرهەمێکی دوێتە لەگەڵ رۆمی هەرکی و زیاتر لە شەش ملیۆن بینەری هەیە، هەروەها گۆرانی "سێڤا سوور" کە زیاتر لە چوار ملیۆن بینەری هەیە.