رووداو دیجیتاڵ
بەپێی ئەو زانیارییانەی لە وەزارەتی دارایی و ئابوورییەوە دەست رووداو کەوتووە، رۆژی سێشەممە مووچەی لیوا هاوبەشەکانی پێشمەرگە دابەش دەکرێت.
مووچەی لیوا هاوبەشەکانی وەزارەتی پێشمەرگە لەلایەن ئەمریکاوە دابین دەکرێت.
رۆژی 26-01-2021 سەربەست لەزگین، بریکاری وەزیری پێشمەرگەی هەرێمی کوردستان بە تۆڕی میدیایی رووداوی راگەیاند: "ئەمریکا مانگانە 20 بۆ 25 ملیۆن دۆلار بۆ پێشمەرگە دەنێرێت، ئەو پارەیەش بۆ 13 لیوایە و نزیکەی 30 هەزار پێشمەرگە لێی سوودمەند دەبن."
لە کۆی نزیکەی 170 هەزار پێشمەرگە، نزیکەی 44 هەزار پێشمەرگە لە چوارچێوەی 15 لیوای هاوبەشدا لەژێر چەتری وەزارەتی پێشمەرگە رێکخراونەتەوە. هەر لیوایەک لە چوار فەوج کراوەتە سێ فەوج.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ