ئەندامێکی کۆنگرێسی ئەمریکا بۆ رووداو: پێویستە رێککەوتنی هەولێر و بەغدا بۆ هەناردەکردنی نەوت جێبەجێ بکرێت

 

ئێلیزا سلۆتکین، ئەندامی کۆنگرێسی ئەمریکا لەبارەی پرسی هەناردەی نەوتی هەرێمی کوردستان و "نیگەرانیی" کۆمپانیا ئەمریکییەکان کە لە کەرتی وزەی هەرێمی کوردستاندا کاردەکەن بە تۆڕی میدیایی رووداوی راگەیاند، ''ئەم پرسە چەند جارێک هاتووەتە کۆنگرێس و وەزارەتی دەرەوە، بەڵام دەستووری عێراق دەڵێت، دەبێت داهاتەکەی بە هاوبەشیی بێت." 

 

ئێلیزا سلۆتکین دەشڵێت: ''هەوڵ دەدەم سەرنجی زیاتری حکومەتی ئەمریکا بخەمە سەر عێراق و گوشارێکی زیاتر هەبێت، هەر لە باڵیۆز و کۆنسوڵی گشتی تاوەکو وەزارەتی دەرەوە کار لەسەر ئەم پرسانە بکەن و کاریگەرییەکەیان لەسەر بەغدا بەکاربهێنن." 

 

لەسەر ئەو پرسە، وەک ئەو ئەندامەی کۆنگرێسی ئەمریکا دەڵێت، گفتوگۆ لە نێوان مەسرور بارزانی، سەرۆکوەزیرانی هەرێمی کورستان و محەممەد شیاع سوودانی، سەرۆکوەزیرانی عێراق هەیە، "پێویستە ئەوان ئەم رێککەوتنە بەرەوپێشەوە ببەن، ناکرێت رێککەوتنەکە تەنیا لەسەر کاخەز بمێنێتەوە.''

 

 

 

ئێلیزا سلۆتکین: ئەم پرسە چەند جارێک هاتووەتە کۆنگرێس و وەزارەتی دەرەوە، بەڵام دەستووری عێراق دەڵێت، "دەبێت داهاتەکەی هاوبەش بێت." من سێ جار لە عێراق لەگەڵ هێزەکانمان کارمکردووە، لەوێ بووم کە دەستوورەکە نووسراوەتەوە و پەسندکراوە، بۆیە پێویستە بەیەکسانی داهاتەکە بە هاوبەشی دابەشبکرێت، ئەوەی من هەوڵدەدەم بیکەم ئەوەیە سەرنجی زیاتری حکومەتی ئەمریکا بخەمە سەر عێراق و گوشارێکی زیاتر هەبێت، هەر لە باڵیۆز و کۆنسوڵی گشتی تاوەکو وەزارەتی دەرەوە کار لەسەر ئەم پرسانە بکەن و کاریگەرییەکەیان لەسەر بەغدا بەکاربهێنن. 

 

 

ئێلیزا سلۆتکین: لەبەر ئەوەیە زۆر گرنگە ئێمە بگەڕێینەوە بۆ دەستوور، پێموایە لەسەر ئەم پرسە گفتوگۆ لە نێوان سەرۆکوەزیران بارزانی و سەرۆکوەزیرانی سوودانی لە بەغدا هەیە، پێویستە ئەوان ئەم رێککەوتنە بەرەوپێشەوە ببەن و ناکرێت رێککەوتنەکە تەنیا لەسەر کاخەز بمێنێتەوە.