رووداو دیجیتاڵ
نرخی نەوت رۆژی پێنجشەممە لەدوای کردنەوەی بازاڕەکانی ئاسیا دابەزی.
هۆکاری دابەزینی نرخی نەوت بۆ بەرزبوونەوەی قەبارەی بەنزینی کۆگاکراو لە ئەمریکا دەگەڕێتەوە لە رۆژانی پشووی سوپاسگوزاری، ئەوەش نیگەرانی دروستکردووە لەسەر سستبوونەوەی خواست لەسەر نەوتی خاو لەلایەن پاڵاوگەکانەوە.
نرخی نەوتی برێنتی دەریای باکوور 14 سەنت دابەزی و بە 72 دۆلار و 29 سەنت مامەڵەی پێوەکرا. نرخی نەوتی سووکی تەکساسی ئەمریکاش 10 سەنت دابەزی و بە 68 دۆلار و 61 سەنت مامەڵەی پێوەکرا.
بەهۆی پشووەکانی رۆژی سوپاسگوزاری، پێشبینی دەکرێت قەبارەی مامەڵەکان لە ناوبازاڕدا سنوورداربێت.
بەپێی کارگێڕیی زانیاریی وزەی ئەمریکا، قەبارەی بەنزینی کۆگاکراو لەو وڵاتە هەفتەی رابردوو 3.3 ملیۆن بەرمیل زیادیکردووە. لە کاتێکدا پێشبینی دەکرا قەبارەی کۆگای بەنزین دابەزین بەخۆیەوە نەبینێت.
بەپێی شرۆڤەکاران، کەمبوونەوەی خواست لەسەر نەوت لەلایەن چین و ئەمریکاوە، گوشاری لەسەر نرخەکانی نەوت دروستکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ