بەهای دینار و تمەن بەرامبەر دۆلار دابەزی

 

 

دوای نیوەڕۆی ئەمڕۆ سێشەممە لە بازاڕەکانی ئاڵوگۆڕی دراو لە هەولێر و سلێمانی 100 دۆلار گەیشتە 150 هەزار و 500 دینار.

 

رەوەز میرزا، ئاڵوگۆڕکاری دراو لە شاری سلێمانی بە رووداوی گوت: "لە چەند مانگی رابردوودا ئەمڕۆ یەکەم جارە دۆلار بگاتە ئەو نرخە".

 

بەهای تمەنی ئێرانیش دابەزیوە و 100 دۆلار لە رێگەی حەواڵەوە بەرامبەر 6 ملیۆن و 200 هەزار تمەنە.

 

لەبارەی هۆکاری دابەزینی بەهای دینارەوە رەوەز میرزا گوتی: "دۆلار خواستی زۆری لەسەرە. ئاڵۆزییەکان و دروستبوونی شەڕ لە لوبنانیش کاریگەرییان هەبووە".