وەزارەتی دارایی خشتەی مووچەی مانگی نیسانی بڵاوکردەوە
رووداو دیجیتاڵ
وەزارەتی دارایی و ئابووری هەرێمی کوردستان رایگەیاند، رۆژی یەکشەممە 25-04-2021 دەست بە دابەشکردنی مووچەی مانگی چوار دەکرێت.
ئەمڕۆ پێنجشەممە 22-04-2021 وەزارەتی دارایی و ئابووریی هەرێمی کوردستان بڵاویکردووەتەوە، بە پێی میکانیزمی مانگی پێشوو دەست بە دابەشکردنی مووچەی مانگی چوار دەکرێت، واتە دابەشکردنی مووچەش بە لێبڕینی 21% دەبێت.
بەپێی ئەو خشتەیەی وەزارەتی دارایی و ئابووریی هەرێمی کوردستان بڵاویکردووەتەوە، دابەشکردنی مووچەی وەزارەت و دەستەکان بەمشێوەیە دەبێت:
رۆژی یەکشەممە 25-04-2021
وەزارەتی تەندروستی
دیوانی لیواکان و وەزارەتی پێشمەرگە
یەکەی 70 و 80
وەزارەتی دارایی و ئابووری
وەزارەتی ناوخۆ
فەرمانگەی پێشمەرگەی زێرەڤانی و بەرگری و فریاکەوتن
لیوای نەوت
رەگەزنامە
رۆژی دووشەممە 26-04-2021
وەزارەتی شەهیدان و ئەنفالکراون
مووچەی کەسوکاری شەهیدان و ئەنفالکراون و زیندانی سیاسی
وەزارەتی پەروەردە
رۆژی سێشەممە 27-04-2021
ئەنجوومەنی ئاسایش
دەزگای گشتیی ئاسایش
وەزارەتی کار و کاروباری کۆمەڵایەتی
خاوەن پێداویستە تایبەتەکان
ئەنجوومەنی دادوەری
وەزارەتی داد
وەزارەتی سامانە سرووشتییەکان
وەزارەتی ئەوقاف و کاروباری ئایینی
وەزارەتی پلاندانان
وەزارەتی پیشەسازی و بازرگانی
وەزارەتی گواستنەوە و گەیاندن
دیوانی چاودێریی دارایی
دەستەی مافی مرۆڤ
ناوچەکانی دەرەوەی هەرێم
دەستەی ژینگە
دەستەی وەبەرهێنان
دەستەی دەسپاکی
کۆمیسیۆنی هەڵبژاردن
دەزگای مین
وەزارەتی خوێندنی باڵا و توێژینەوەی زانستی
رۆژی چوارشەممە 28-04-2021
وەزارەتی شارەوانی و گەشتوگوزار
وەزارەتی کارەبا
وەزارەتی رۆشنبیری و لاوان
وەزارەتی ئاوەدانکردنەوە و نیشتەجێبوون
سەرۆکایەتیی هەرێمی کوردستان
پەرلەمان
ئەنجوومەنی وەزیران
خانەنشینی پێشمەرگە
رۆژی پێنجشەممە 29-04-2021
خانەنشینی شارستانی
رۆژی چوارشەممە 21-04-2021 جووتیار عادل، گوتەبێژی حکومەتی هەرێمی کوردستان دوای کۆبوونەوەی ئەنجوومەنی وەزیران لە کۆنگرەیەکی رۆژنامەڤانیدا رایگەیاند، رۆژی 25-04-20121 دەست بە دابەشكردنی مووچەی مانگی نیسان دەکرێت. گوتیشی "پابەندی بڕیاری خۆمان دەبین و 25ـی ئەم مانگە مووچە دابەشدەکەین، رێژەی تەمویلیش بەپێی پلانی حکومەتی هەرێمی کوردستان دەبێت".
هەروەها وەزارەتی دارایی و ئابووریی هەرێمی کوردستان راگەیێندراوێکی لەبارەی داواکردنی لیستی مووچە بە لێبڕینی 21٪ بڵاوکردبووە و رایگەیاندبوو "ئەو بابە‌تە ئەنجوومەنی وە‌زیرانی ھە‌رێمی كوردستان بڕیاری لێدە‌دات كە چە‌ندی مووچە تە‌مویل دە‌كرێت، ئەوەش لە‌سە‌ر بنە‌مای داھاتی نە‌وتی و نانە‌وتی و دواتر وەزارەتی دارایی بڕیارە‌كە جێبە‌جێی دە‌كات".