لیرەی سووری بەرزبووەوە و تمەنی ئێرانی لە دابەزین بەردەوامە

 

 

رەوەز میرزا، ئاڵوگۆڕکاری دراو لە بازاڕی دۆلارەکەی سلێمانی ئەمڕۆ شەممە بە تۆڕی میدیایی رووداوی گوت: "ئەمڕۆ یەک ملیۆن لیرەی سووری بە 375 هەزار دینارە".

 

رۆژی پێنجشەممە، 19-12-2024، ملیۆنێک لیرەی سووری بۆ 300 هەزار دینار دابەزی، ئەوەش دوای ئەوەی رۆژی 16-12-2024 یەک ملیۆن لەو دراوە گەیشتە 700 هەزار دیناری عێراقی.

 

بەهای دینار جێگیرە و ئەمڕۆ 100 دۆلار بە 150 هەزار و 750 دینار مامەڵەی پێوەدەکرێت؛ هەر ئەمڕۆ 100 دۆلار بەرامبەر 3 هەزار و 410 لیرەی تورکییە.

 

تمەنی ئێرانی لە دابەزین بەردەوامە و ئەمڕۆ بە شێوەی حەواڵە 100 دۆلار بەرامبەر 7 ملیۆن و 780 هەزار تمەنە.

 

نرخی دراوەکانی دیکە لە بازاڕی دۆلارەکەی سلێمانی بەمشێوەیەیە:

 

100 یۆرۆ، 157 هەزار دینار.

100 پاوەند، 187 هەزار دینار.

1000 کرۆنی سوێدی، 122 هەزار و 500 دینار.