رووداو دیجیتاڵ
نرخی نەوت ئەمڕۆ پێنجشەممە بەهۆی تەشەنەکردن و توندبوونەوەی جەنگی ئۆکراینا، بەرزبووەوە.
نرخی نەوتی برێنتی دەریای باکوور 28 سەنت بەرزبووەوە و بە 73 دۆلار و 9 سەنت مامەڵەی پێوەکرا.
نرخی نەوتی سووکی تەکساسی ئەمریکاش بەهەمان رێژە بەرزبووەوە و بە 69 دۆلار و 3 سەنت مامەڵەی پێوەکرا.
رووسیا دەڵێت، هێرشکردنە سەر خاکەکەی بە چەکی رۆژئاوایی لە دەرەوەی سنوورەکانی، بە واتای گەورەکردنی شەڕی ئێستا دێت.
نیگەرانی لە فراوانبوونی شەڕی ئۆکراینا و ئەگەری پچڕانی گواستنەوەی نەوت، پاڵپشتی بۆ نرخەکانی نەوت دروستکردووە.
بەرزبوونەوەی نرخی نەوت سەرەڕای ئەوە دێت کە هەفتەی رابردوو، قەبارەی نەوتی کۆگاکراوی ئەمریکا زیاتر لە 453 هەزار بەرمیل زیادیکردووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ