رووداو- ئاژانسەكان
هەرێمی كوردستان و رۆژئاوای ئەفریقا دەبنە جێگەی بایەخدانی تیمی راوێژكارانی نەوت و وزە لە بانكی بەناوبانگی سیتی گرووپ.
بانكی سیتی گرووپ رایگەیاندووە، هاوكاریی نێوان هەرێمی كوردستان و توركیا لەبواری وزەدا گەشەی كردووەو ژێرخانی سەرمایەگوزاریی بۆ هەناردەكردنی نەوت بەرەوپێشەوە دەڕوات.
بانكی ناوبراو ئاماژەی بەوەشكردووە، چاوەروانن كۆمپانیای گەنەل ئێنرجی سیاسەتی دارایی خۆی رابگەیەنێت لە بواری غازی سرووشتیدا و چاوەڕوان دەكرێ پشكەكانی لە كێڵگەی غازی میران باش بفرۆشرێت و هەروەها پەرەپێدانی كێڵگەی بیناباوی خێرایی بە خۆیەوە ببینێت.
بانكی سیتی گرووپ یەكێك لە بانكە گەورەكانی جیهانە، كە مانگی رابردوو هاتووەتە ناو بازاڕی عێراق و بڕیارە لقەكانی لە بەغدا و هەولێر و بەسرە بكاتەوە.
بانكی سیتی گرووپ بەنیازە لە پرۆژەكانی نەوت و غازی عێراقدا چالاك بێ لە رێگای دابینكردنی سەرمایە و سەرچاوەی گونجاوی دارایی بۆ پرۆژەكانی وزە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ