جێف بێزۆس لەگەڵ لاورێن سانچێز، هاوڕێ کچەکەی. وێنە: AFP
رووداو - هەولێر
دامەزرێنەری کۆمپانیای ئەمازۆن و دەوڵەمەندترین پیاوی جیهان گرانبەهاترین خانووی لۆس ئەنجلسی ئەمریکا دەکڕێت کە نرخەکەی 165 ملیۆن دۆلارە و لە ساڵی 1930ـەکاندا دروستکراوە.
رۆژنامەی واڵستریت جۆرناڵ هەواڵەکەی بڵاوکردەوە و ئاماژەی بەوە کردووە، سامانەکەی جێف بێزۆس، دەوڵەمەندترین پیاوی جیهان بە 131 ملیار و 900 ملیۆن دۆلار دەخەمڵێنرێت. دوای ئەوەی لە 30-1-2020 بێزۆس لەماوەی 15 خولەکدا سامانەکەی 13 ملیار و 200 ملیۆن دۆلار زیادی کرد پێگەی خۆی وەک دەوڵەمەندترین پیاوی جیهان پتەوتر کرد.
بێزۆس ئەو موڵکەی لە دەیڤد جێفین، بازرگان و دەرهێنەری ئەمریکی کە بە هەمانشێوە یەکێکە لە دەوڵەمەندترینەکانی جیهان کڕیوە و کە رووبەرەکەی 36 هەزار و 421 مەتری دووجایە.
ئەو خانووە ناوی Warner Estate ـە و لە ساڵانی 1930ـیەکاندا بۆ جاک وارنەر، کە سەرۆکی پێشووتری کۆمپانیای Warner Bros بوو دروستکراوە و 10 ساڵی خایاندووە تاوەکو تەواوبوونی.
داهاتی بێزۆس ـی تەمەن 56 ساڵان بۆ خاوەندارییەتی 12%ـی پشکەکانی ئەمازۆن دەگەڕێتەوە.
جێف بێزۆس لە مانگی تەمووزی 2018 وەک دەوڵەمەندترین پیاوی مێژووی نوێ دیاریکرا کاتێک سامانەکەی گەیشتە 150 ملیار دۆلار.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ