لیرەی سووری گەیشتە بەرزترین ئاست و تمەنی ئێرانی زیاتر دابەزی
رووداو دیجیتاڵ
بەهای لیرەی سووری گەیشتە بەرزترین ئاستی چەند ساڵی رابردووی. هەروەها تمەنی ئێرانی بەشێوەیەکی بەرچاو بەهاکەی لەدەستدا.
رەوەز میرزا، ئاڵوگۆڕکاری دراو لە بازاڕی دۆلارەکەی سلێمانی، ئەمڕۆ پێنجشەممە، 12-12-2024، بە تۆڕی میدیایی رووداوی گوت: "یەک ملیۆن لیرەی سووری ئەمڕۆ بە 290 هەزار دینارە".
پێش رووخانی دەسەڵاتی بەشار ئەسەد، سەرۆکی پێشووی سووریا لە 08-12-2024، ملیۆنێک لیرە بە 100 هەزار دینار بوو، دواتر چەند جارێک گۆڕانکاری بەسەر بەهاکەیدا هات و دوێنێ کاتی کردنەوەی بازاڕ یەک ملیۆن لیرە بە 240 هەزار دینار بوو.
بەهای دراوەکانی دیکەش بەرامبەر دۆلار بەمشێوەیەیە:
100 دۆلار بە 150 هەزار و 250 دینارە
100 دۆلار بە 7 ملیۆن و 435 هەزار تمەنە
100 دۆلار بە 3400 لیرەی تورکییە