رووداو دیجیتاڵ
رۆژی هەینی نرخی نەوت بەڕێژەی 1٪ دابەزی. شرۆڤەکاران پێیانوایە هۆکاری دابەزینی نرخی نەوت بۆ بەرزبوونەوەی قەبارەی خستنەڕووی نەوت لە ساڵی داهاتوودا دەگەڕێتەوە.
نرخی نەوتی برێنتی دەریای باکوور 97 سەنت دابەزی و بە 71 دۆلار 12 سەنت مامەڵەی پێوەکرا.
نرخی نەوتی سووکی تەکساسی ئەمریکاش 1 دۆلار و 10 سەنت دابەزی و بە 67 دۆلار و 20 سەنت مامەڵەی پێوەکرا.
لە ئاستی هەفتانەدا نرخی نەوتی برێنت بەڕێژەی 2.5٪ و نرخی نەوتی سووکی تەکساسی ئەمریکا بەڕێژەی 1.2٪ دابەزینی بەخۆیەوە بینیوە.
بەرزبوونەوەی قەبارەی نەوتی بەرهەمهێنراو لە ئەمریکا بە هۆکاری سەرەکی دابەزینی نرخی نەوت هەژمار دەکرێت.
سەرەڕای ئەوەی هاوپەیمانیی ئۆپێک پڵەس رۆژی پێنجشەممە، بڕیاریدا بەرزکردنەوەی ئاستی بەرهەمهێنانی هاوپەیمانییەکە 3 مانگ دوابخات، بەڵام نیگەرانی لە بەرزبوونەوەی ئاستی خستنەڕووی نەوت لەلایەن بەرهەمهێنەرانی دەرەوەی ئەو هاوپەیمانییە هەبوو، وەکو ئەمریکا کە نرخی نەوتی دابەزاندووە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ