بەهای لیرەی سووری بەرزبووەوە و دینار جێگیرە

 

رەوەز میرزا، ئاڵوگۆڕکاری دراو لە بازاڕی دۆلارەکەی سلێمانی بە تۆڕی میدیایی رووداوی گوت، ئەمڕۆ (سێشەممە، 7-1-2025) یەک ملیۆن لیرەی سووری بە 180 هەزار دینارە. لەکاتێکدایە دوێنێ یەک ملیۆن لیرەی سووری بە 170 هەزار دینار بوو.

 

لەبارەی تمەنیشەوە رەوەز میرزا گوتی، 100 دۆلار بەرامبەر 8 ملیۆن و 80 هەزار تمەنە بەشێوەی حەواڵە.

 

هەر ئەمڕۆ حاجی سابیر باواجی، ئەندامی ئەنجوومەنی ئاڵوگۆڕی دراو لە هەولێر بە رووداوی گوت، 100 دۆلار بە 150 هەزار و 800 دینارە

 

هاوکات لە بازاڕەکانی ئاڵوگۆڕی دراودا 100 دۆلار بەرامبەر 3 هەزار و 450 لیرەی تورکیایە.