راپرسییەک: کەمی مووچە کێشەی 18.3٪ی خەڵکی تورکیایە

 

رۆژی چوارشەممە 4ـی کانوونی یەکەمی 2024، ئۆزەر سانجار، بەڕێوەبەری کۆمپانیای مێترۆپۆڵ، لە تۆڕی کۆمەڵایەتیی ئێکس بڵاویکردەوە، لە رۆژانی (17-20ـی تشرینی دووەمی 2024) بەشێوەیەکی راستەوخۆ پرسیاریان ئاراستەی هەزار و 189 کەس لە 26 پارێزگای تورکیا و باکووری کوردستان کردووە. 

 

کۆمپانیاکە لە خەڵکەکەی پرسیوە: کێشە داراییەکانتان چین؟ 18.3٪ی بەشداربووان کەمی مووچە بە کێشەی یەکەم خۆیان دەزانن، 13.2٪ دەڵێن كێشەی کرێی خانوو، 11.4٪ دەڵێن کێشەی باج و  10.4٪ تێچووی خواردن. 

 

هەروەها 8.1٪ دەڵێن بێکاری، 5.0٪ دەڵێن قەرز، 3.6٪ دەڵێن هەڵاوسان، 3.6٪ دەڵێن کێشەی تێچووی پەروەردە و فێرکردن، 2.1٪ دەڵێن خەرجی تەندروستی، 3.8٪ کێشەکانی دیکە، کێشەی یەکەمیانە.