ئەندامێکی لیژنەی دارایی لە پەرلەمانی عێراق رایگەیاند، لیژنەکەیان سبەی میوانداری مستەفا غالیب موخیف، پارێزگاری بانکی ناوەندیی عێراق دەکات؛ سەبارەت بە زیادکردنی رۆژانەی دراو و چاپکردنی دراوی 20 هەزار دیناری.
جێگری دووەمی سەرۆکی پەرلەمانی عێراق، لیژنەی پەروەردەی پەرلەمانی راسپارد لە بڕیاری بەڕێوەبەرایەتیی گشتیی راستکردنەوە و ئەزموونەکانی سەر بە وەزارەتی پەروەردەی عێراق بکۆڵێتەوە، چونکە بڕیارەکە دەڵێت، هەر قوتابییەک لە وانەی زمانی کوردیدا دەرنەچێت بە دەرنەچوو هەژمار ناکرێت.
بڕیارە لیژنەی دارایی لە پەرلەمانی عێراق سبەی میوانداری ئیحسان عەبدولجەبار، وەزیری دارایی بە وەکالەت و خالید بەتال، وەزیری پلاندانانی عێراق بکات؛ سەبارەت بە کێشە و هۆکارەکانی جێبەجێ نەکردنی یاسای پشتیوانیی خێرای ئاسایشی خۆراک و گەشەپێدان لە عێراق.
زۆرینەی دانیشتووانی ناوچەی سەدر لە بەغدا، لایەنگری موقتەدا سەدر، رێبەری رەوتی سەدرن. ئەوان ستایشی هەڵوێستەکەی رێبەرەکەیان دەکەن کە ئامادەیی دەربڕیوە بەشێوەیەکی ئاشکرا گفتۆگۆ لەگەڵ چوارچێوەی هاوئاهەنگی بکات لەبارەی پرسی پێکهێنانی حکومەتدا.
بۆردوومانەکانی ئێران بۆسەر خاکی هەرێمی کوردستان بڕگەیەکی کۆبوونەوەی رۆژی شەممەی پەرلەمانی عێراقە. جێگری سەرۆکی پەرلەمانی عێراق دەڵێت: پەرلەمان داوا لە حکومەتی عێراق دەکات ئاشکرای بکات ئایا سەروەریی عێراقی پێ دەپارێزرێت یان نا؟
باڵیۆزخانەی عێراق لە بەریتانیا ئەو رێکارانەی ئاشکراکرد کە پێویستە هەر هاووڵاتییەکی عێراقی خاوەن توانا و نیشتەجێی هەندەران بیانگرێتەبەر بۆ گەڕانەوە بۆ عێراق بە ویستی خۆی.
"تۆڕێکمان لە بەغدا دەستگیر کرد کە ئەندامانی بازرگانییان بە 36 کیلۆگرام هۆشبەری کریستاڵ و حەشیشەوە کردووە."
"سەدر هەڵەی کرد کاتێک لە پەرلەمان کشایەوە، چونکە بەو کارە هەلی بەخشییە رکابەرەکانی بۆ ئەوەی شوێنی پڕبکەنەوە و لە پەرلەمان ببنە زۆرینە، بۆیە داوا لە سەدر دەکەم لە گفتوگۆکاندا بەشدار بێت، چونکە تاکە رێگەیە."
