Dusseldorf (Rûdaw) - Dadgeheke bilind a Almanyayê ragihand ku koçberên ji Sûriye û Rojavayê Kurdistanê êdî ji ber ne aramiya welatê xwe nikarin mafê mayîn û parastinê wergirin.
Dadgeha Bilind a Îdarî ya Almanyayê li ser welatiyekî Sûriyeyî yê ku ji ber aloziyên li Sûriyeyê daxwaza mayîn û parastinê kiribû biryar da.
Tevî ku biryar vê hefteyê hat ragihandin jî, berî 6 hefteyan hatiye dayîn.
Li Almanyayê mafê mayîn û parastinê ji bo kesên ku serlêdanên wan ên penaberiyê tên redkirin tê dayîn.
Di wê demê de mafê wî kesê Sûriyeyî hebûye ku îtirazê bike lê wî nekiriye û biryara dawî hatiye dayîn.
Dadgeha ku li Munsterê ye destnîşan kir, her çend hîn şer û pevçûn li hin deverên Sûriyeyê hebin jî pêwîst nake Sûriyeyî ji tirsa tundûtûjiya li dijî sivîlan ji welatê xwe derkevin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse