Hewlêr (Rûdaw) - Şîrketa Global Firepower a Dewletên Yekbûyî yên Amerîkayê ku her sal artêşên herî bihêz ên cîhanê bi rêz destnîşan dike, lîsteya sala 2023’an a artêşên herî bihêz eşkere kir.
Lîsteya artêşên herî bihêz ên cîhanê di sala 2023an de ji aliyê kompaniya Global Firepower ve hat ragihandin.
Rêzkirin bi liberçavgirtina gelek faktorên wek liv û tevgera artêşên welatan û mayîna demdirêj li meydanê hatiye amadekirin.
Li gor wê lêkolînê, artêşên Amerîka, Rûsya û Çînê sê artêşên herî bihêz ên cîhanê ne.
Artêşa Tirkiyê di lîsteyê de du pileyan bi pêş ketiye û îsal di rêza 11mîn artêşa bihêz a cîhanê de ye. Herwiha artêşa Îranê di rêza 17an de û artêşa Îsraîlê jî di rêza 18mîn artêşa bihêz a cîhanê de cih digre.
Artêşa Ukrayanyê jî ku niha ji bo berevaniya li axa wî welatî rûbirûyê êrîşên artêşa Rûsyayê dibe û şerê duyemîn artêşa bihêz a cîhanê dike, li gor wê raportê di rêza 15mîn artêşa bihêz a cîhanê de ye.
Di rêza artêşa herî bi hêz a cîhanê de Kameron di rêza 100, Almanya di rêza 25, Spanya di rêza 21an, Kanada di rêza 27an û Yûnanistan di rêza 30an de cih digirin.
Di lîsteyê de artêşa Îmaratê di rêza 56an de, Iraq di rêza 45an de û Erebistana Siûdî jî di rêza 22an de cih girtiye.
Li gor wê lêkolînê, li Rojhilata Navîn û rojavayê Asyayê, artêşên herî bihêz wiha tên rêzkirin: Pakistan, Tirkiye, Misir, Îran, Îsraîl, Erebistana Siûdî, Iraq û Îmarat
Li vir 20 artêşên herî bihêz ên cîhanê di sala 2023an de hatine rêzkirin:
1-Amerîka
2-Rûsya
3-Çîn
4-Hindistan
5-Brîtanya
6-Koreya Başûr
7-Pakistan
8-Japon
9-Fransa
10-Îtalya
11-Tirkiye
12-Brezilya
13-Endonezya
14-Misir
15-Ukrayna
16-Awustralya
17-Îran
18-Îsraîl
19-Viyetnam
20-Poland
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse