Myanmar bi 2 erdhejên mezin hejiya

Hewlêr (Rûdaw) – Li Myanmarê 2 erdhejên bi hêza 7,7 û 6,4 pileyan li rû dan û zerer li pey xwe anîn.

Saziya Lêkolînên Jeolojîk a Amerîkayê (USGS) diyar kir ku erdhejên bi hêza 7,7 û 6,4 pileyan li Taylandê û deverên din ên herêmê hatine hîskirin.

Li gorî USGSyê, erdheja yekem nêzîkî saet bi dema herêmî 06:20an, li bakurrojavayê bajarê Sagaingê çêbûye û di kûrahiya 10 kîlometreyan de rû daye.

Erdhejên li Myanmarê li Bangkoka paytexta Taylandê jî hat hîskirin.

Erdhej li avahiyên bilind ên li paytextê bi xurtî hatiye hîskirin û gelek avahî hatine valakirin.

Li Bangkokê ku zêdetirî 17 milyon kes lê dijîn, sîstemên alarman dest bi kar kir, welatî bi rêya pêlekenan ji apartman û otelan hatin daxistin û derketin kolanan.

Heta niha li ser zerer û ziyanan ti agahî nehatine dayîn.

Li Myanmarê di 2 erdhejên mezin de gelek avahî hilweşiyan

🔴 Heta niha li ser zerer û ziyanan ti agahî nehatine dayîn#Myanmar #Earthquake #Erdhej pic.twitter.com/LzbsfIUEj3

— RudawKurdi (@RudawKurdi) March 28, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger