Hewlêr (Rûdaw) - Senatorê Komarî yê Amerîkayê Lindsey Graham diyar kir ku Serokê Amerîkayê Donald Trump ji bo dawîbûna şerê di navbera Ukrayna û Rûsyayê de û pêkanîna agirbestekê biryardar e û rexneyên tund li Serokê Ukraynayê Volodymyr Zelenskyy girt.
Li Koşka Spî di navbera Serokê Amerîkayê Donald Trump û Serokê Ukraynayê Volodymyr Zelenskyy de li ser şerê Rûsya û Ukraynayê nîqaşeke tund derket.
Serokê Amerîkayê Donald Trump û Serokê Ukraynayê Volodymyr Zelenskyy li Washingtona paytexta Amerîkayê civiyan.
Civîn li ber kamerayan bi alozî û nîqaşeke dirêj a di navbera her du serokan de derbas bû.
Senatorê Komarî Lindsey Graham di konferansa rojnamegeriyê de Ukrayna û Rûsyayê de nirxand.
"Trump agirbestê dixwaze"
Graham derbarê hevdîtina xwe ya bi Trump re got, "Şeva borî ez bi Serok Trump re axivîm, ew li ser lihevkirinê geşbîn bû. Ez qet evqas pê serbilind nebûbûm. Wî nîşanî gelê Amerîkayê û cîhanê da ku ew ne keseke ku mirovan biçûk bibîne
Trump gelekî erênî û geşbîn bû. Armanca wî ew e ku şer bi dawî bike û çareseriyekê bibîne."
"Yan divê biguhere yan jî pêwîstî bi rêberekî nû heye"
Graham ragihand ku pêwendiyên Ukrayna û Amerîkayê di nava ne zelaliyê de ne û got:
"Ez ne bawer im ku Zelenskiy dikare Ukraynayê bigihîne armancên wê. Yan pêwîst e ku guherîneke mezin çêbike yan jî pêwîstiya Ukraynayê bi rêberekî nû heye."
Bi van gotinên xwe senatorê Amerîkî rexneyên tund li rêveberiya Ukraynayê girt.
Li Koşka Spî nîqaşa #Trump û #Zelenskyy
— RudawKurdi (@RudawKurdi) February 28, 2025
Zelenskyy ji alîkarê Trump re dibêje: "Te dengê xwe bilind kir"
Trump jî dibêje: "Na wî dengê xwe bilind nekiriye û tu gelekî axivî, neaxive” pic.twitter.com/3gwz1jWpSh
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse