Koreya Başûr otobusên bê şofêr diceribîne

Hewlêr (Rûdaw) – Li bajarê Seul a paytexta Koreya Başûr, otobuseke otomatîk yan jî bê şofêr ji bo van rêwiyan hilgire disekine û ew jî lê siwar dibin.

Ev pas ji aliyê kompanya otomobîlên serbixwe ve hatiye çêkirin û tê ceribandin. Şofêrek jî bo çêvdêriyê li vê otomobîlê bike her tim di amadebaşiyê de ye.

Rêveberê projeyê Jeong Seong-gyun li ser otobusên bê şofêr got, “Me ev teknolojî çêkir, ne tenê ji bo vê otobusê, em dixwazin di hemû otomobîlan de vê sîstemê bicî bikin, me berê di teksiyan de ceribandiye.”

Di vê otomobîlê de radar heye û hemû tiştên li derdora xwe ji hev cuda dike. Rêwî jî dikarin bi rêya sepanê navnîşana xwe daynin û otobus tê cem wan.

Rêwî Kim Yi Hae-ra got, “Hestekî wisa bi min re çêbû, wek ku min serdana pêşerojê kiribe û niha vegeriya bim, teknolojiyeke bê nimûne ye.”

Gera vê otomobîlê sînordar e, dikare di nava 3.4 km çargoşe de kar bike, armanca vê kompanyayê ew e ku otomobîlên veguhestina giştî li welatê xwe zêde bike ji bo ku bûyerên hatin û çûnê û qerebalixiyê kêm bikin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger