Hewlêr (Rûdaw) - Li Romanyayê stasyoneke gaza xwezayî ya bêruxset teqiya, kesek mir û 46 kes jî birîndar bûn.
Bûyerê doh danê êvarê li bajarê Crevediayê rû da ku 10 kîlometreyan dûrî Bukreşa paytexta Romanyayê ye.
Serokê Daîreya Rewşên Bilez a Romanyayê (DSU) Raed Arafat ragihand ku di teqînê de kesekî canê xwe ji dest da û 46 kes jî birîndar bûn.
Arafat destnîşan kir ku birînên 4 kesan ji wan xedar in.
Herwiha Arafat da zanîn ku 26 karmendên agirvemirandinê yên ku piştî teqîna yekem hewl didan agir vemirînin, piştî teqîna duyem birîndar bûn.
Hat diyarkirin ku 4 kesên ku rewşa wan giran e ji bo dermankirinê şandine Îtalya û Belçîkayê.
Birîndarên din jî li nexweşxaneyên Romanyayê tên dermankirin.
Rayedaran diyar kir ku teqîna yekem dema ku li stasyona bêruxset gaz dihat tijekirin pêk hatiye.
Li #Romanya'yê stasyoneke gaza xwezayî teqiya, kesek mir û zêdetirî 45 kesan jî birîndar bûn. pic.twitter.com/YshyCMWz7M
— RudawKurdi (@RudawKurdi) August 27, 2023
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse