Navenda Nûçeyan - Rêxistina serbixwe ya mafê mirovan li Amerîka (Freedom House) di rapora xwe ya îsal de ragihand ku, dewleta Tirkiyê di mijara azadiya ragihandinê de gelek paş ketiye, û yek ji wan dewletan e ku azadiya ragihandinê têde tine ye.
(Freedom House) di rapora xwe salane de dibêje,Serokomarê Tirkiyê Receb Tayib Erdogan û Hikûmeta Tirkiyê û hin rêxistinên milîtanî guvêşên mezin li ser saziyên ragihandinê dikin, û di bin diruşma ‘ewê ne bi me re dijminê me ye’, dixwazin wan bêdeng bikin.
Ew rêxistina serbixwe ya Amerîkî radighîne ku, Hikûmeta Tirkiyê êrîşî gelek sazî û dezgehên serbixwe yên ragihandinê dike û dest davêje wan, û êrîşa li ser dezgeha ragihandinê a Îpek Koza Holdîng, Zaman, Cîhan û Cumhuriyetê wek mînak nîşan dide.
(Freedom House) destnîşan kir ku, li gor sala borî Tirkiyê di azadiya ragihandin û derbirînê de 6 pileyan bi paşketiye û di mijara azadiya ragihandinê de gihîştiye pileya 66emîn di nav 199 dewletan de .
Rêxistina (Freedom House) aşkere kir ku, Tirkiyê wek Rusiya, Misir, Koriya Bakur, Çînû Îranê di warê tepeserkirina azadiya ragihandinê de cî digre.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse