Li Qerebaxê teqîn: Gelek mirî û birîndar hene
Hewlêr (Rûdaw) – Li herêma Xankendî-Eskeranê ya Qerebaxê li cihê depokirina benzînê teqînekê rû da.
Di encama teqînê de gelek kes mirin û herî kêm 200 birîndar hene.
Li gorî Armenpressê ku ajansa fermî ya Ermenistanê ye teqîn şeva borî çêbû û sedema teqînê heta niha ne diyar e.
Hat ragihandin ku piştî teqînê agir bi derdora depoyê ketiye.
Di encama teqîn û şewatê de herî kêm 200 kes birîndar bûn û birînên gelekan ji wan dijwar in.
Tê gotin ku gelek mirî hene lê hejmara miriyan heta niha nehatiye zelalkirin.