Nêçîrvan Barzanî / Wêne: Rûdaw Grafîk
Hewlêr (Rûdaw) – Nivîskara navdar a Amerîka-Brîtanyayî Qanta Ahmedê got, “Nêçîrvan Barzanî dikare li Rojhilata Navîn bibe aktorê sereke yê aştiye.”
Qanta Ahmed beşdarî bernameya Fox Newsê bû û wê mijarên wekî “şerê Hemas û Îsraîlê, girjiya Îsraîl û Hizbulaha Libnanê û rewşa dawiyê ya li Rojhilata Navîn” nirxandin.
Qanta Ahmedê bal kişand ser kesayeta Nêçîrvan Barzanî ya aştîxwaz û got ku ew dikare li Rojhilata Navîn, bi taybetî jî di şerê Hemas û Îsraîlê û Îsraîl û Hizbulaha Libnanê de bibe aktorê sereke yê muzakereyan û aştiyê.
“Dibe ku Nêçîrvan Barzanî bibe aktorê sereke”
Qanta Ahmedê amaje bi pêwendiyên baş ên Nêçîrvan Barzanî yên bi welatên cuda re da û got:
“Dibe ku Serokê Herêma Kurdistanê Nêçîrvan Barzanî yek ji wan kesên kêm be ku li hemû herêmê pêwendiyên wî yên baş bi Îran, Tirkiye û Amerîkayê re hene û herwiha bê alî ye.
Di vî şerê ku herêmê dide ber xwe de ti berjewendiyên wî nînin.
Dibe ku Nêçîrvan Barzanî bibe aktorê sereke û aştîavaker.”
Serokê Herêma Kurdistanê Nêçîrvan Barzanî di gelek hevdîtin û serdanên xwe behsa girîngiya aştiyê dike.
“Çareserî du dewletên cuda ne”
Nêçîrvan Barzanî 14ê Nîsanê li Silêmaniyê gotibû:
“Piştî şerê Hemas û Îsraîlê şerekî xedar û wêraniyeke mezin çêbû. Ev karesateke mirovî ye.
Çareserî du dewletên cuda ne. Herêma Kurdistanê piştgiriyê dide Filistîna serbixwe.
Rêya yekane ya aştî û aramiyê ev e.”
Şerê Hemas û Îsraîlê 7ê Çiriya Pêşîn a 2023yan dest pê kir.
Li gorî çavkaniyên cihî, di vî şerî de 37 hezar û 658 Filistînî hatine kuştin û 86 hezar û 237 Filistînî jî birîndar bûne.
Herwiha 139 Îsraîlî hatine kuştin û 8 hezar û 730 Îsraîlî jî hatine birîndarkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse