Navenda Nûçeyan – Di hilbijartinên duhî li Yewnanistanê hatin kirin de Koalîsyona Çep a Tundrew serkeft. Piştî sala 1974an cara yekemîn e ku partiyek çep li Yewnanistanê dibe desthilatdar.
Serokê Syrizayê Aleksis Çipras duhî piştî ku encama hilbijartinan diyar bû wiha got: “Yewnanistan rûpelek nû vedike. Gelê Yewnanistanê dîrok nivîsand. Memorandum û Troyka di man raboriyê de.”
Çipras diyar kir ku ewê ji sibe pê de dest bi xebatên xwe bike û wiha domand: “Emê welêt li ser bingehên nû ava bikin.”
Heta niha ji dengan %94 hatine hejmartin û li gorî vê yekê jî Syriza %36,4 ji dengan standiyê û li gorî vê rejeyê jî 149 parlamenter bi dest xistiye. Li Yewnanistan ji bo ku desthilatiyê 151 parlamenter pêwîstin.
Çipras li gorî ve reja dengan hêj niha û pê de dest bi xebatên koalîsyonê kir. Herwiha Çipra di vê çarçoveyê de îro dê ligel partiya rastperêz Yewnaniyên Serbixwe re hevdîtineke pêk bîne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse