Hewlêr (Rûdaw) – Berpirsekî bilind ê Neteweyên Yekbûyî (NY) ragihand, ku mafê diyarkirina çarenivîsê îfadekirina rûmeta mirovan e û got: “Kî dikare wê mafê ji kurdan bistîne?”
Berpirsê Pêşxistina Proseya Demokrasiyê li NY Alfred de Zayas li ser navnîşana xwe ya twîtterê peyamek parve kir û got: “Mafê çarenivîsê wate demokrasî. Demokrasî jî wate mafê çarenivîsê ye.”
Alfred de Zayas balkişande ser mafê çarenivîsa gelê kurd, tamîlî û kateloniyan û diyar kir, ku wî rapora xwe ya derbarê yasaya navdewletî ya mafê diyarkirina çarenivîsê de bi têrûtesel nivîsandiye û ev rapor ji Civata Giştî ya Neteweyên Yekbûyî şandiye.
De Zayas dibêje wî di raporê de bi zelalî behsa mafê van gelan kiriye.
Alfred de Zayas di sala 1981ê heta 2003ê di NY de parêzer û berpirsê bilind ê Komîsyona Bilind a Mafên Mirovan bû. Herwiha Sekreterê Komîteya Mafê Mirovan bûye.
Self-determination is an expression of human dignity. Who can deny this right to the Kurds, the Tamils, the #Catalans?
— Alfred de Zayas (@Alfreddezayas) September 25, 2017
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse