Koçber bi rêya balefireke serbazî ya Iraqê ji Sûdanê bo Hewlêrê hatin veguhestin
Hewlêr (Rûdaw) - 140 welatiyên Rojavayê Kurdistanê û Sûriyê ji Sûdanê bi balefireke serbazî gihîştin Hewlêrê û biryar e îşev balafireke din bê.
Zêdetirî 2 meh in, şer û pevçûn li Sûdanê berdewam in, piraniya welatan welatiyên xwe ji Sûdanê welatî derxistin.
Hikûmeta Herêma Kurdistanê û Hikûmeta Iraqê derengê şeva derbasbûyî, yekem balafira serbazî ku 140 welatiyên Rojavayê Kurdistanê û Sûriyê têde bûn ji balefirxaneya BorPort-Sûdan anîn Balefirxaneya Navdewletî ya Hewlêrê.
Ew 140 kes niha di 3 hotêlên Hewlêrê de ne, îro şandeke Neteweyên Yekbûyî jî seredana wan kir.
Dezgeha Xêrxwazî ya Barzanî ji bo wan cihê mayînê peyda dike, xwarina amadekirî pêşkêşî wan dike.
Biryar e îşev balafireke din jî ya penaberên Rojavayê Kurdistanê û Sûriyê bê Hewlêrê û sibe jî 3yem balefir digihe Hewlêrê.
Di 15ê Gulana 2023yên de şer û pevçûn di navbera Artêşa Sûdanê bi serokatiya Ebdulfetah Burhan û Hêzên Piştevaniya Bilez (RSF) bi serokatiya Mihemed Deqlo derketibûn û heta niha berdewam in.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse