Hewlêr (Rûdaw) - Li ser sînorê di navbera Poland û Almanyayê koçberekî Kurd ji ber sermayê jiyana xwe ji dest da.
Li gor zanyariyên Rûdawê, roja Sêşemê, 24/11/2021, ciwanekî xelkê Selas a ser bi Bawecanê ve li Rojhilatê Kurdistanê, li herêma di navbera Poland û Almanyayê de ji ber serma birçîtiyê nexweş ket.
Her li gor zanyariyan, piştî ku rewşa tendirustî ya wî ciwanî têk çû, bo nexweşxaneyeke li Almanyayê hat veguhestin, lê nehat rizgarkirin û jiyana xwe ji dest da.
Ciwanê bi navê Bextiyar Enwer Mihemed, 27 salî bû û her li koçberiyê, li wargeha Rûmadî ya li parêzgeha Enbara Iraqê jidayîk bûbû û malbata wî jî niha li kampa Barîken a li parêzgeha Silêmanî niştecih e.
Karox Bawecanî ku rûniştvanê welatê Norwecê ye û kesekî nêzikî wî ciwanî ye, ji Rûdawê re ragihand ku Bextiyar Enwer Mihemed ji ber bêkarî û rewşa xerba a aborî ket ser rêya koçberiyê û hewl dida bigihije welatekî Ewropayê ku “jiyaneke baştir” û alîkariya malbata xwe bike.
Li gor zanyariyên Karox Bawecanî, ji ber bircîtî û sermayê rewşa tendirustî ya wî ciwanî têk çû û jiyana xwe ji dest da.
Malbata Bextiyar Enwer Mihemed jî daxwaz ji Hikûmeta Herêma Kurdistanê dike di vegerandina termê wî de alîkariya wan bê kirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse