Vîzeya Zêrîn
Hewlêr (Rûdaw) – Serokwezîrê Yunanistanê ragihand sîstema “Vîzeya Zêrîn” dê li gorî herêman biguhere û li deverên qelebalix 800 hezar euro û li deverên ku qerebalixî lê kêm e jî wekî berê 250 hezar euro werdigirin.
Yunanistan yek ji welatên Yekîtiya Ewropayê ye ku xwediyê pergaleke balkêş e ji bo wergirtina destûra rûniştinê ya bi rêya veberhênanê.
Ji wê vîzeyê re Vîzeya Zêrîn tê gotin ku divê veberhênerek karibe 250 hezar euro bîne Yunanistanê û xaniyekî yan tiştekî din bikire da ku welatîbûna xwe û malbata xwe bistîne.
Serokwezîrê Yunanistanê destnîşan kir ku wergirtina wê vîzeyê êdî herêm bi herêm diguhere.
Li gorî biryara Serokwezîr, “Li bajar û gundên qelebalix ên nêzîkî balafirgeh û cihên giştî, bihayê welatîbûnê dikare bigihêje 800 hezar euroyî.”
Li deverên din ên ku qelebalixî lê kêm e jî “Vîzeya Zêrîn” wekî berê bi 250 hezar euroyî dikare were bidestxistin.
Li gorî Wezareta Koç û Koçberan a Yunanistanê, ji serê sala 2023yan heta niha hezar û 446 serlêdanên “Vîzeya Zêrîn” li wezaretê hatine kirin.
Yunanistanê sala borî Yunanistanê dabû malbat û kesên ku li Yunanistanê milk dikirin an jî di projeyên mezin ên aborî de veberhênê dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse