Şêro Reşad Hemo yê ku yek ji wan kesên li Bêlarûsê asê maye
Hewlêr (Rûdaw) – Li welatê Bêlarûsê hejmarek kesên ji Rojavayê Kurdistanê asê mane.
Wan kesan dema ku hewl didan ji Bêlarûsê derbasî Polonya û Latviayê bibin, ji aliyê polîsên sînorî yên her du welatan ve hatin girtin.
Nobedarên sînorî piştî ku wan digirin li wan dixin, herwiha pere, telefon û belgeyên wan jî ji wan distînin û diqetînin.
Niha ew kes bê pere û bê belge li paytexta Bêlarûsê, Mînskê perîşan bûne.
Xortekî ku asê maye bi me re pêwendî danî û xwest di Rûdawê de behsa rewşa xwe bike.
Şêro Reşad Hemoyê ku yek ji wan kesên asê maye got:
“Em destpêka meha îlonê hatin vir, me dixwest bi rêya Latviayê biçine Almanyayê. Serbazên Latviayê em girtin û telefonên me şikandin.
4 rojan em li kampê hiştin heta ku em vegeriyan. Telefona yekî ji me saxlem mabû û me bi wê telefonî hin cihan kir. Heger ne ew bûya ew winda bûbûna.
Niha em ne dikarin vegerin ne jî derbas bibin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse