Şaşiyek çêbû. Tika ye paşê dîsa hewl bide.
Proseya gera duyemîn a hilbijartina serokomariya Tirkiyê li Almanyayê berdewam e.
Almanya (Rûdaw) – Dengdana welatiyên Tirkiye û Bakurê Kurdistanê bo gera duyem a hilbijartina serokkomariya Tirkiyê berdewam e. Li Almanyayê jî dengdrên Tirkiye û Bakurê Kurdistanê bi germî diçin ser sindoqên dengdayînê.
Proseya gera duyemîn a hilbijartina serokomariya Tirkiyê li Almanyayê berdewam e. Xelkê Tirkiye û Bakurê Kurdistanê yên li wî welatî, diçin ser sindoqan û deng didin. Ev yek di demekê deye ku 3 milyon û 400 hezar dengdêr dikarin li derveyî Tirkiyê dengê xwe bidin.
Piraniya dengderên derve yên Tirkiyê li Almanyayê dijîn û beşeke zêde ya wan di hilbijartinên 14ê Gulanê de dengê xwe dabûn Erdogan.
Dengdêr Nevin dibêje: “Ji bo min tişta girîng ew e ku hikûmeteke bihêz, cîhê baweriyê û xwedî biryar li Tirkiyê bibe desthilat. Ez nifşê duyem ê Tirk im li Almanyayê. Peywendiya min li gel welatê min qut nebûye. Peywendiya min bihêz e, lewma jî ji bo min girîng e ku welatê min bihêz be. Bi nêrîna min tenê Erdogan dikare. Ji yên din baştir e.”
Dengdêr Gonûl Yildiz jî got: “Min dengê xwe da. Ji bo min gelek girîng bû ku dengê xwe bidim. Ev dema 20 salan e ku ew li desthilatê ye û em gelek jê razî ne.”
3,4 milyon dengdêr li derveyî Tirkiyeyê xwedê maf in ku dengê xwe bidin. Di gera yekemîn de ji sedî 57,7ê dengan ji Serokomarê Tirkiyê û Berbijêrê Hevpeymaniya Cumhur Recep Tayyip Erdogan re, ji sedî 40 jî bo hevrikê wî Berbijêrê Hevpeymaniya Millet Kemal Kliçdardoglu çûn.
Di gera yekemîn de ji sedî 65 ê hilbijêrên li Almanyayê dengê xwe dan Recep Tayyîp Erdogan.
Li bajarê Essen ê Almanyayê , ji sedî 70 ê dengan ji Serokkomarê niha yê Tirkiyeyê re bû . Yasîn welatiyekî Kurd ê ji herêna Serhêdê ya Bakurê Kurdistanê ye. Ew dixwaze vê carê encamên hilbijartinên rewşê biguherîne.
Yasîn wiha got: “Em weke Kurd bêkes in û tiştekê me nîne ne ziman û ne axa me. Em nabêjin Kemal ji bo me baş e yan na, lê em dizanin dijminekî me heye. Dibe ku ne baş be jî. Lê îro Selahattin Demîrtaş di girtîgehê de ye û dilê wî li ser Kemal Kiliçdaroglu ye.”
Li 16 binkeyên dengdanê li konsulxaneyên Tirkiyeyê yên li Almanyayê, dengdêr dikarin bo gera duyemîn dengê xwe bidin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse