Navenda Nûçeyan - Wezîrê Derve yê Amerîka John Kerry bi sedanekê gihişt Moskowê û biryare ligel Wezîrê Derve yê Rûsya Sergey Lavrov û Serokê Rûsya Vladimir Putin re bicive.
Îro çarşemî 23ê Adarê di çarçoveya serdaneke plankirî bo Rûsya de, Wezîrê Derve yê Amerîka John Kerry gihîşt bajarê Moskowê.
Biryar e di vê serdana xwe de, John Kerry ligel Wezîrê Derve yê Rûsya Sergey Lavrov û piştre jî ligel Serokê Rûsya Vladimir Putin bicive.
Tê pêşbînîkirin ku di hevdîtinên navbera Kerry û Lavrov de pêşhatên herî dawîn ê danûstandinên Jenêv-3 ên di navbera hikûmet û dijbereya Sûriyê de bên gotûbêjkirin.
Li gorî zanyariyên berdest, danûstandinên Cenêvê di navbera her du aliyên hikûmet û dijberiya Sûriyê de rastî astengiyên mezin hatine û bo rêvekirin li ber berdewamiya danûstandinan pêwîstî bi destwerdana Amerîka û Rûsya heye, daku pêvajoya niha têk neçe.
Ji bilî hevdîtinên ligel Lavrov, biryar e ku Kerry li gel Serokê Rûsya Vladimir Putin jî bicive û kirîza Sûriyê pê re gotûbêj bike.
Piştî biryara Putin a derbarê vekişandina beşê sereke yê hêzên Rûsya ji Sûriyê de, Amerîkayê ragihandibû, ku Wezîrê Derve yê wî welatî John Kerry dê serdana Moskowê bike û derbarê kirîza Sûriyê de bi Putin û Lavrov re bicive.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse