Trump: Min ji Putîn re got divê şer bi dawî bibe

Hewlêr (Rûdaw) - Serokê Amerîkayê Donald Trump derbarê şerê Rûsya-Ukraynayê got ku wî bi Serokê Vladimir Putîn re axiviye û divê şer bi dawî bibe.

Serokê Amerîkayê Donald Trump li Washingtonê di çalakiya bi navê Konferansa Çalakiya Siyasî ya Mihafezeker (CPAC) ya 2025an de ji dengdêrên Komarî re fealiyetên xwe yên di nav mehekê de ragihandin.

Donald Trump bal kişand ser wê yekê ku şerê di navbera Rûsya û Ukraynayê de divê bi dawî bibe û wiha got:

“Ez bi Serok Putîn re axivîm û bi min divê ev kar bi dawî bibe."

Trump di axaftina xwe de destnîşan kir, Amerîkayê di şer de ji bo Ukraynayê 350 milyar dolar xerc kir û bêyî ku navê Serokê Amerîkayê yê berê Joe Biden bi de got:

"Ji ber ku serok û rêveberiyeke ehmeq û nezan hebû."

Trump diyar kir ku hindik maye ew bi Ukraynayê re peymanekê pêk bînin û rûdanên heta niha jî "rewşeke tirsnak" e.

Trump her wiha derbarê daxwazên Amerîkayê yên ji rêveberiya Ukraynayê jî wiha got, “Em mîneralên biqîmet û petrolê dixwazin, em bikaribin çi peyda bikin."

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger