Hewlêr (Rûdaw) - Yekîtiya Afrîkayê piştî midaxeleya leşkerî ya li Nîjerê ragihand ku endamtiya wî welatî da sekinandin.
Li Nîjêrê 26ê Tîrmehê darbeya leşkerî çêbûbû.
Konseya Ewlehî û Aştiyê ya Yekîtiya Afrîkayê di daxuyaniyekê de ragihand ku piştî midaxeleya leşkerî ya li Nîjerê wan hemû çalakiyên xwe dane sekinandin.
Konseya Ewlehî û Aştiyê ya Yekîtiya Afrîkayê xwest ku Serokkomarê Nîjerê Mihemed Bazûm were berdan û hêzên artêşa wî welatî jî vegerin baregehên xwe.
Herwiha bang li hemû dewletên endam û civaka navneteweyî hat kirin ku ji tevgerên rêvebiriya leşkerî ya li Nîjerê meşrû dikin dûr bisekinin.
Di heman demê de ji xeynî Afrîkayê midaxeleya aktor û dewletên din bi tundî hat redkirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse