Piştî Swêdê li Denmarkê jî Quran hate şewitandin

Hewlêr (Rûdaw) - Li Denmarkê endamên grûpa tundrew Danske Patrioter (Nîştimanperwerên Denmarkê) li ber Balyozxaneya Iraqê ya Denmarkê Quran şewitandin.

Endamên grûpa tundrew Danske Patrioter (Nîştimanperwerên Denmarkê) dirûşmên li dijî Îslamê gotin û sivikatî li Quranê û alaya Iraqê kirin.

Heman grûpê paşê jî Quranê şewitand û xwepêşandan di bin ewlehiyên tund ên polîsan de hate kirin.

Wek ku grûp bixwe dibêje, wan “li dijî êrîşa Balyozxaneya Swêdê ya Iraqê” Quran şewitandiye.

Alîgirên Sedr jî li Bexdayê li dijî şewitandina Quranê xwepêşandan kirin û xwestin bi ser Balyozxaneya Denmarkê ya Iraqê de bigirin lê hêzên ewlehiyê rê nedan wan.

Wezareta Derve ya Iraqê di daxuyaniyekê de ragihand, Hikûmeta Iraqê ji parastina ewlehiya nûnerên dîplomatîk berpirsyar e.

Piştî Swêdê li Denmarkê jî Quran hate şewitandin.

Alîgirên Sedr li Bexdayê li dijî şewitandina Quranê xwepêşandan kirin û xwestin bi ser Balyozxaneya Denmarkê ya Iraqê de bigirin lê hêzên ewlehiyê rê nedan wan. pic.twitter.com/699SHm6WzY

— RudawKurdi (@RudawKurdi) July 22, 2023

Tê Nûkirin…

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger